جەر رەفورماسى بويىنشا اكىمدىكتەر جانىنداعى قوعامدىق كەڭەس مۇشەلەرى 67 مىڭنان استام اداممەن كەزدەستى
بۇگىنگى كۇنگە دەيىن كوميسسيامەن 4 وتىرىس جانە اقمولا، الماتى، قىزىلوردا جانە اتىراۋ وبلىستارى تۇرعىندارىمەن 4 كەزدەسۋ وتكىزىلدى.
جەر رەفورماسى بويىنشا كوميسسيا مۇشەلەرىنىڭ نەگىزگى مىندەتتەرى - جەر زاڭناماسىنىڭ نورمالارىنا قاتىستى ۇسىنىستاردى قاراۋ.
قازىرگى تاڭدا كوميسسيانىڭ ءتورت جۇمىس توبى - قۇقىقتىق، ەكونوميكالىق، اقپاراتتىق- ءتۇسىندىرۋ جانە اشىقتىقتى قامتاماسىز ەتۋ جۇمىس توپتارى قىزمەت ەتۋدە.
كوميسسيانىڭ وتىرىستارىندا جانە وڭىرلەردەگى تالقىلاۋلاردا نەگىزگى جۇمىس 2 باعىتتا جۇرگىزىلدى:
بىرىنشىدەن، قازاقستاندىقتارعا قولدانىستاعى جالعا بەرۋ ينستيتۋتىن جەتىلدىرۋ.
ەكىنشىسى، جەر كودەكسىنىڭ موراتوري جاريالانعان نورمالارىنا قاتىستى.
اتالعان ۇردىسكە ءتۇسىندىرۋ جۇمىستارىمەن جاپپاي قامتۋ ماقساتىندا اكىمدىكتەر جانىنداعى قوعامدىق كەڭەستەر كەڭىنەن تارتىلدى. ولار 67 مىڭنان استام اداممەن كەزدەسۋلەر وتكىزدى.
جەر رەفورماسى بويىنشا جەرگىلىكتى تۇرعىندارمەن كەزدەسۋلەردىڭ ناتيجەسىندە تۇسكەن سۇراقتار مەن ۇسىنىستار نەگىزىنەن قايتالانىپ وتىر.
قوعامنىڭ قىزۋ تالقىسىنا تۇسكەن ماسەلەلەر بويىنشا كوميسسيا ناتيجەلى جۇمىستار اتقارىپ، حالىقپەن قولداۋ تاپقان ۇسىنىستار ەنگىزىلدى.
اعىمداعى اقپارات بويىنشا Call-ورتالىقتارىنا 12838 قوڭىراۋ جانە jerturaly.kz سايتىنا 984 ۇسىنىس پەن ءوتىنىش كەلىپ ءتۇستى.
ايتا كەتەيىك، جيىن بارىسىندا اۋىل شارۋاشىلىعى جەرلەرىن قازاقستاندىقتارعا 49 جىلعا دەيىنگى مەرزىمگە جالعا بەرۋ ينستيتۋتىن ساقتاۋ، تۇراقتى مونيتورينگ جۇرگىزۋ ارقىلى جەر پايدالانۋشىلاردىڭ جەردى ۇتىمدى پايدالانۋىنا باقىلاۋدى كۇشەيتۋ، جەر كودەكسىندە اۋىل شارۋاشىلىعى جەرلەرىن بەرۋدىڭ جەكە جانە ەگجەي- تەگجەيلى رەگلامەنتتەيتىن ءتارتىبىن بەلگىلەۋ، ەلدى مەكەندەردىڭ اينالاسىنداعى جايىلىمدار مەن شابىندىقتاردىڭ الاڭدارىن ايقىنداۋ، ج ت ق- عا ارنالعان جەر ۋچاسكەلەرىن مەملەكەت مۇقتاجدىقتارىنا ساتىپ الۋ مۇمكىندىگىن بەرۋ ماسەلەلەرى قارالادى.
