02:15, 08 - قاراشا 2015 | GMT +5
پيكاسسو كارتيناسى ءباسساۋدادا 67 ميلليون دوللارعا ساتىلدى
استانا. قازاقپارات - يسپاندىق سۋرەتشى پابلو پيكاسسونىڭ كارتيناسى نيۋ- يوركتەگى Sotheby's ءباسساۋداسىندا 67 ميلليون دوللارعا ساتىلدى، دەپ حابارلادى شەتەلدىك ب ا ق.
كارتينادا مەيرامحاناداعى جالاڭاش ءانشىنىڭ سۋرەتى بەينەلەنگەن. تۋىندىنىڭ ارتقى بەتىندە تاعى ءبىر بەينە بار. وندا پيكاسسونىڭ ارت- ديلەرىنە كەكەسىن كاريكاتۋرا سالىنعان. ونى 2000 -جىلى كارتينانى جوندەۋدەن وتكىزۋ كەزىندە تاپقان.
جالاڭاش ءانشىنىڭ پورترەتىن سۋرەتشى پاريجگە قونىس اۋدارعان كەزدە 19 جاسىندا سالعان. ونىڭ باعاسى 60 ميلليون دوللاردى قۇرادى. ونى ساتىلىمعا بيزنەسمەن ۋيليام كوح قويدى، ول كارتينانى 1984 - جىلى 3 ميلليون دوللارعا ساتىپ العان.
پابلو پيكاسسو ەڭ قىمبات سۋرەتشى سانالادى.
ونىڭ تۋىندىلارى ءتۇرلى اۋكسيونداردا تۇراقتى رەكورد ورناتىپ كەلەدى. مامىردا 179 ميلليون دوللارعا ساتىلعان پابلونىڭ «الجير ايەلدەرى» تۋىندىسى الەمدەگى ەڭ قىمبات كارتينا ەسەپتەلەدى.
