جانىبەك ءالىمحان ۇلى الەمدىك رەيتينگتە 66-ورىنعا جوعارىلادى
ەسكە سالا كەتسەك، كاسىپقوي بوكسشىمىز جانىبەك ءالىمحان ۇلى (4-0، 1 ك و) ا ق ش- تا كەزەكتى جەكپە- جەگىن بۇگىن وتكىزىپ، «حيتمەن» لاقاپ اتىمەن تانىمال امەريكالىق ستيۆەن مارتينەستى (18-4، 13 ك و) نوكاۋتقا جىبەرگەن بولاتىن.
وسىناۋ جارقىن جەڭىس BoxRec رەيتينگىندە بوكسشى 66- پوزيتسياعا ءبىر-اق كوتەرىلىپ، 84-ورىنعا شىعىپ وتىر.
شەتەلدىك ساراپشىلاردىڭ كوبى ءالىمحان ۇلى تۋرالى تامسانا وي ءبولىسىپ جاتىر. ءتىپتى ونى قازىردىڭ وزىندە بولاشاق الەم چەمپيونى دەپ اتاپ جاتقاندار بار.
جانىبەك ءالىمحان ۇلى كاسىپقوي بوكستىڭ شارشى الاڭىندا 2016-جىلدىڭ قازان ايىندا دەبيۋتتىك كەزدەسۋ وتكىزگەن بولاتىن. الايدا ارادا كوپ وتپەي جانىبەك شارشى الاڭنان كورىنبەي كەتكەن ەدى. الايدا امەريكالىق ايگىلى پروموۋتەر بوب ارۋممەن كەلىسىمگە قول قويعاننان كەيىن جانىبەك 2018-جىلدىڭ قىركۇيەك ايىندا قايتادان جاسىنداي جارقىلداي باستادى.
جانىبەكتى وتانداستارىمەن بىرگە شەتەلدەگى جانكۇيەرلەرى دە قۇتتىقتاپ جاتىر. بوكسشى بۇگىن ينستاگرام پاراقشاسىندا قۇتتىقتاۋشىلاردىڭ ءبىرى - امەريكالىق كاسىپقوي بوكسشى اندرە ۋورد بولعانىن جازىپ، ايگىلى بوكسشىمەن بىرگە تۇسكەن فوتوسۋرەتىن جاريالادى.