اباي وبلىسىنىڭ تۇرعىندارى زاڭسىز ساقتالعان 65 قارۋدى پوليتسياعا تاپسىردى
اباي وبلىسىندا قارۋدى، وق-دارىلەردى جانە جارىلعىش زاتتاردى ەرىكتى تۇردە وتكىزۋ اكسياسى 10- ساۋىردە باستالعان. ونىڭ شەڭبەرىندە كەز كەلگەن ازامات ىشكى ىستەر ورگاندارىنىڭ بولىمشەسىنە جۇگىنىپ، زاڭسىز ساقتاپ كەلگەن قارۋ-جاراعىن تاپسىرا الادى. ول ءۇشىن اقشالاي سىياقى قاراستىرىلعان.
ءساۋىر ايىنىڭ سوڭىندا پوليتسياعا وبلىس تۇرعىنى كەلىپ، ساتىپ العان ءۇيىنىڭ جازعى اس بولمەسىنەن قارۋعا ۇقساس زاتتى تاپقانىن حابارلاعان. پوليتسەيلەرگە قارۋ تابىلعان جەردى كورسەتىپ، ءوز ەركىمەن تاپسىرعان. ءتيىستى ساراپتامالار جاسالعاننان كەيىن ايەلگە اقشالاي تولەم جۇرگىزىلگەن.
«اكسيا باستالعاننان قازىرگى ۋاقىتقا دەيىن جالپى سوماسى 5 ميلليون تەڭگەدەن اساتىن 65 بىرلىك تىركەلمەگەن قارۋ قابىلداندى. ءتۇرى مەن ساناتىنا قاراي ءبىر قارۋ بىرلىگى ءۇشىن تولەم سوماسى – 10 نان 100 ا ە ك- كە، ياعني 34500 -دەن 345000 مىڭ تەڭگەگە دەيىن»، - دەيدى اباي وبلىستىق پ د اكىمشىلىك پوليتسيا باسقارماسىنىڭ باستىعى ريفحات تاۋفيكوۆ.