ارىستاعى اپاتتان زارداپ شەككەن 65 ادام اۋرۋحانادان شىقتى
وعان ق ر يندۋستريا جانە ينفراقۇرىلىمدىق دامۋ ۆيتسە-ءمينسترى قايىربەك وسكەنبايەۆ، وبلىس اكىمىنىڭ كەڭەسشىسى ۇلاسبەك سادىبەكوۆ، قورعانىس مينسترلىگىنىڭ وكىلى قايىرگەلدى حۋساينوۆ، وبلىستىق كلينيكالىق اۋرۋحاناسىنىڭ باس دارىگەرى مارات پاشيموۆ، ماڭعىستاۋ وبلىسى اكىمىنىڭ ورىنباسارى نۇرداۋلەت قيلىباي قاتىستى، دەپ حابارلايدى قازاقپارات وبلىس اكىمىنىڭ باسپا ءسوز قىزمەتىنە سىلتەمە جاساپ.
وبلىس اكىمىنىڭ كەڭەسشىسى ۇلاسبەك سادىبەكوۆ قالا تۇرعىندارىنا تۇسىندەرمە جۇمىستارىن جۇرگىزۋ ءۇشىن 800-گە جۋىق بەلسەندى تارتىلىپ، جۇمىس اتقارىپ جاتقانىن مالىمدەدى.
«ارىس قالاسى تۇرعىندارىنىڭ يگىلىگى ءۇشىن الداعى ۋاقىتتا دا اۋقىمدى جۇمىستار اتقارىلادى. وسى اپتانىڭ اياعىندا اۋىلشارۋاشىلىق ونىمدەرىنىڭ جارمەڭكەسى ەكىنشى رەت وتكىزىلىپ، قالا تۇرعىندارى ازىق-تۇلىك، كوكونىس، ەت ونىمدەرىن ارزانداتىلعان باعادا الا الادى. سونىمەن قاتار ارىس قالاسىنىڭ زەينەتكەرلەرىن الەۋمەتتىك قولداۋ ماقساتىندا «مەيىر» ارداگەرلەر ءۇيى مەن «اردەگەرلەر ۇيىنە» 800 ارداگەردى دەمالىسقا جىبەرۋ كوزدەلىپ، بۇگىنگى تاڭعا دەيىن 400 ارداگەر اتالمىش ورىندارعا اتتاندى. 4000 بالانى رەسپۋبليكامىزدىڭ ءار ايماعىنداعى جازعى لاگەرلەرگە جىبەرۋ جوسپارلانىپ، قازىرگى كۇنگە دەيىن 1395 بالا جازعى ساۋىقتىرۋ لاگەرلەرىنە جىبەرىلدى»، - دەدى ول.
ق ر يندۋستريا جانە ينفراقۇرىلىمدىق دامۋ ۆيتسە-ءمينسترى قايىربەك وسكەنبايەۆ بۇگىنگى تاڭدا تۇرعىن ۇيلەردى قالپىنا كەلتىرۋ جۇمىستارى قارقىندى ءجۇرىپ جاتقانىن جەتكىزدى.
«العاشقى دەرەكتەر بويىنشا 27 تۇرعىن ءۇي تۇرۋعا جارامسىز دەپ تانىلسا، باعالاۋ ناتيجەلەرى بويىنشا ولاردىڭ سانى 149 عا جەتتى. بارلىق ۇيلەر باعالانىپ جاتىر. جاقىن ارادا تۇگەلدەي قالپىنا كەلتىرىلەدى»، - دەدى ق. وسكەنبايەۆ.
ق ر قورعانىس مينيسترلىگىنىڭ وكىلى قايىرگەلدى حۋساينوۆ قازىرگى تاڭدا ارىس قالاسىنان 20 شاقىرىم جەردەگى اۋماقتاردى تازالاۋ جۇمىستارى جۇرگىزىلىپ جاتقانىن، قويما دا تازالاناتىنىن جەتكىزدى.
ال وبلىستىق كلينيكالىق اۋرۋحانانىڭ باس دارىگەرى مارات پاشيموۆ اپات سالدارىنان اۋرۋحاناعا تۇسكەن 65 ناۋقاس تولىقتاي جازىلىپ، ۇيلەرىنە ورالعانىن، بۇگىنگى تاڭدا ارىس قالاسىنىڭ 3 تۇرعىنى ەم الىپ جاتقانىن، بارلىعىنىڭ جاعدايى ءبىرقالىپتى ەكەنىن ايتتى.
ارىس قالاسىنداعى 4-سەكتورعا جاۋاپتى بولىپ بەكىتىلگەن ماڭعىستاۋ وبلىسى اكىمىنىڭ ورىنباسارى نۇرداۋلەت قيلىباي وسى اۋماقتاعى تۇرعىن ۇيلەردى باعالاپ، قالپىنا كەلتىرۋ جۇمىستارى قارقىندى ءجۇرىپ جاتقانىن حابارلادى.