ۇلتتىق مۋزەي جارتى جىلدا 65 ميلليون تەڭگە تابىس تاپتى

استانا. قازاقپارات - استانادا ورنالاسقان ۇلتتىق مۋزەي قايتا ۇيىمداستىرۋدىڭ ارقاسىندا بيىل جارتى جىلدا 65 ميلليون تەڭگە تابىس تاپتى.

 بۇل تۋرالى بۇگىن ق ر مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى.

«مۋزەيلەردىڭ، مۋزەي- قورىقتاردىڭ جۇمىسىن بەلسەندىرۋ ماقساتىندا 2015 - جىلى بارلىق ۇيىمدار ر م ك- دان ر م ق ك ۇيىمداستىرۋ- قۇقىقتىق فورماسىنا ءوتتى. وسىنىڭ ارقاسىندا مۋزەيلەرگە تابىس تابۋعا مۇمكىندىك اشىلدى. وسى شەشىمنىڭ ءتيىمدى ۇلگىسى ق ر ۇلتتىق مۋزەيى بولىپ تابىلادى. ول اقپان- شىلدە ايلارى ىشىندە 65 ميلليون تەڭگە تابىس تاپتى»، - دەدى ا. مۇحامەدي ۇلى مينيسترلىكتىڭ القا ماجىلىسىندە.

 ۆەدومستۆو باسشىسىنىڭ ايتۋىنشا، مينيسترلىك «100 ناقتى قادام» - ۇلت جوسپارىن ىسكە اسىرۋ اياسىندا اۋقىمدى جوبالاردى ازىرلەدى. ولاردىڭ قاتارىندا مادەنيەت، سپورت، تىلدەردى دامىتۋ جانە قوعامدىق- ساياسي جۇمىس سالالارىندا ازىرلەنگەن نورماتيۆتىك قۇقىقتىق اكتىلەردى جاتقىزۋعا بولادى.