قارىز جۇكتەمەسىن ازايتۋ: 629 مىڭ قازاقستاندىققا كومەك كورسەتىلدى

بورىش جۇكتەمەسىن جەڭىلدەتۋ بويىنشا 507 مىڭ قازاقستاندىق انىقتالدى ايتا كەتسەك، پرەزيدەنت قاسىم-جومارت توقايەۆ 26 -ماۋسىمدا «قازاقستان رەسپۋبليكاسى ازاماتتارىنىڭ بورىش جۇكتەمەسىن ازايتۋ شارالارى تۋالى» جارلىققا قول قويعان بولاتىن.

ول بويىنشا، بانكتەردە جانە ميكروقارجى ۇيىمدارىندا كەپىلسىز تۇتىنۋشىلىق قارىزدارى بار قازاقستان رەسپۋبليكاسى ازاماتتارىنىڭ 2019 -جىلعى 1 -شىلدەدەگى جاعداي بويىنشا ەسەپتەلگەن ايىپپۇلدارى مەن ءوسىمپۇلدارىن ەسەپتەنشىعارۋ كوزدەلگەن. كەيىن ۇكىمەت ەكى نەگىزگى باعىت بويىنشا مەحانيزم ازىرلەگەن ەدى.

ياعني، ءبىرىنشى باعىتتىڭ ماقساتى -  ومىرلىك قيىن جاعدايدا قالعان ازاماتتارعا قارجىلىق كومەك كورسەتۋ. مەملەكەت ازاماتتاردىڭ 300 مىڭ تەڭگەدەن اسپايتىن نەسيەسىن وتەپ بەرۋدى ءجون دەپ شەشتى. 2019 -جىلعى 1 -ماۋسىمداعى جاعداي بويىنشا قارىزى 3 ميلليون تەڭگەدەن اسپايتىن وتباسىلار بۇل شارامەن قامتىلدى.

اتاپ ايتقاندا، كوپبالالى وتباسىلار، اسىراۋشىسىنان ايرىلۋ جاعدايىنا بايلانىستى تولەم الاتىن وتباسىلار، مۇگەدەك بالالارى بار، 18 جاستان اسقان، بالا جاسىنان مۇگەدەكتەر بار وتباسىلار، اتاۋلى مەملەكەتتىك الەۋمەتتىك كومەك الاتىندار، جەتىم بالالار، اتا-اناسىنان كامەلەتتىك جاسقا دەيىن ايرىلعان، جيىرما توعىز جاسقا تولماعان، اتا-انانىڭ قامقورلىعىنسىز قالعان بالالار وسى كومەككە يە بولدى. ەكىنشى ماقساتتىڭ باعىتى - بانكتەردە جانە ميكروقارجى ۇيىمدارىندا كەپىلسىز تۇتىنۋشىلىق قارىزدارى ازاماتتاردىڭ ايىپپۇلدارى مەن ءوسىمپۇلدارىن ەسەپتەن شىعارۋ. ءبىرىنشى باعىت بويىنشا بيۋدجەتتەن 105 ميلليارد تەڭگە ءبولىندى.

بۇل قاراجات ەكىنشى دەڭگەيلى بانكتەر مەن ميكروقارجىلىق ۇيىمداردىڭ قورىنا اۋدارىلعان. قارجى مينيسترلىگى بۇل قاراجاتتىڭ ارقاسىندا 629 مىڭ ادامعا ايتارلىقتاي كومەك بولعانىن حابارلايدى. ەكىنشى باعىت بويىنشا ەكىنشى دەڭگەيلى بانكتەر مەن ميكروقارجىلىق ۇيىمدار 1,4 ميلليون ازاماتتىڭ 33 ميلليارد تەڭگەلىك ءوسىمپۇلى مەن ايىپپۇلى الىنىپ تاستاعان. ونىڭ 30 پايىزىن، ياعني 10 ميلليارد تەڭگەسىن مەملەكەت «پروبلەمالىق نەسيەلەر قورى» ا ق ارقىلى قالپىنا كەلتىرگەن.

«جارلىقتىڭ ناتيجەسىندە قازاقستاندىقتاردىڭ قارىز بويىنشا جۇكتەمەسى ازايدى. ءتىپتى كەيبىر ازاماتتاردىڭ بانكتەر مەن ميكروقارجىلىق ۇيىمدار الدىنداعى قارىزى تولىعىمەن كەشىرىلدى. وسىلايشا، جارلىقتا قاراستىرىلعان شارالاردىڭ ءبارى دە اياقتالدى. اتالعان اكتسيا تەك ءبىر رەتتىك ەكەنىن ەسكەرۋ كەرەك»، - دەپ حابارلايدى قارجى مينيسترلىگى.

ەسكە سالساق، بۇعان دەيىن بورىش جۇكتەمەسىن جەڭىلدەتۋ بويىنشا 507 مىڭ قازاقستاندىق انىقتالعاندىعى جانە بورىش جۇكتەمەسىن جەڭىلدەتۋ بويىنشا اقپاراتتاندىرۋ جۇمىستارى قالاي جۇرگىزىلىپ جاتقانى تۋرالى حابارلاعان بولاتىنبىز.