09:05, 17 - قاڭتار 2017 | GMT +5
ۆەنەسۋەلا باسشىسى الداعى ايلاردا مۇناي باعاسى 60 دوللارعا جەتەدى دەگەن ۇمىتتە
استانا. قازاقپارات - ۆەنەسۋەلا پرەزيدەنتى نيكولاس مادۋرو الداعى ايلاردى ۆەنەسۋەلالىق مۇنايدىڭ باعاسى باررەلىنە 60 دوللارعا جەتەدى دەگەن ۇمىتتە، دەپ حابارلايدى ria.ru.
«الداعى كۇندەرى ءبىز و پ ە ك ەلدەرىنە ارنايى ساپار جاسايمىز. مەن ۆەنەسۋەلالىق مۇنايدىڭ باعاسى باررەلىنە 60 دوللار بولۋىن قالايمىن»، - دەيدى مادۋرو.
ۆەنەسۋەلا باسشىسىنىڭ و پ ە ك- ءتىڭ باس حاتشىسى موحاممەد باركيندومەن كەزدەسۋىنىڭ قورىتىندىسىنا بايلانىستى ايتقان ءسوزىن Noticias24 كەلتىرەدى. ءوز كەزەگىندە و پ ە ك باسشىسى باعا تەپە- تەڭدىگىن ساقتاۋ ماقساتىندا مادۋرو جۇزەگە اسىرعان باستاماعا جوعارى باعا بەردى.
«مادۋرو بەرگەن كەڭەس ۆەنادا قاراشا ايىندا وتكەن كەلىسىمگە قول جەتكىزۋدە ناقتى قادام بولدى جانە ول الەمدىك مۇناي نارىعىنىڭ تەپە- تەڭدىگىن قامتاماسىز ەتەتىن الاڭنىڭ نەگىزىن قالادى». -دەدى باركيندو. ونىڭ سوزىنشە، نارىق تيىمدىلىگىنىڭ قازىرگى جاعدايى مۇناي ءوندىرۋشى ەلدەر مەن الەمدىك ەكونوميكانىڭ مۇددەسىنە ساي قالىپتاساتىن بولادى.
