بايقوڭىر عارىش كەشەنى 60 جىلدىعىن تويلاۋعا دايىندالىپ جاتىر
بايقوڭىر قالاسى اكىمشىلىگىنىڭ باسشىسى بەكىتكەن مەرەكەلىك شارالار وسى اتاۋلى كۇنگە ارنالدى.
مەرەيتوي قارساڭىندا بايقوڭىردا قىزىلوردا وبلىسىنىڭ قازالى جانە قارماقشى اۋداندارىنىڭ مادەنيەت كۇندەرى ءوتىپ جاتىر.
1- ماۋسىمدا چارتەرلىك اۆيارەيستەرمەن ماسكەۋدەن قالا مەن بايقوڭىر عارىش ايلاعىنىڭ ارداگەرلەرى كەلەدى. بۇل كۇنى كەشەكە قالالىق مادەنيەت سارايىندا بايقوڭىردىڭ 60 جىلدىعىنا ارنالعان مەرەكەلىك جيىن وتەدى. وندا ۆەدومستۆولىق جانە مەملەكەتتىك ناگرادالار ۇسىنىلماق.
2 ماۋسىمنىڭ مەرەكەلىك تاڭى زىمىران-عارىش تەحنيكاسىن سىناۋ كەزىندە قازا تاپقاندارعا ارنالعان مەموريالعا گۇل شوقتارىن قويۋدان باستالادى. كەيىن ورتالىق ستاديوندا مەرەكەلىك شارا وتەدى. وندا «بايقوڭىر قالاسىنىڭ قۇرمەتتى ازاماتى» اتاعىن تاعايىنداۋ سالتاناتى بولماق.
بايقوڭىردىڭ 60 جىلدىعى كۇنىندە عارىش ايلاعىنىڭ ارداگەرلەرى اسكەري قىزمەت پەن ەڭبەك ۇجىمدارىنا، ۇشىرتۋ كەشەندەرىنە بارادى، قالا قوناقتارى بەلگىلى گاگاريندىك ۇشىرۋ الاڭىن كورىپ، بايقوڭىر عارىش ايلاعىنىڭ جانە بايقوڭىر قالاسىنىڭ مۇراجايلارىن تاماشالايدى. ارداگەرلەردىڭ ءبىر بولىگى ۇشىرتۋ الاڭدارىنا موتوۆوزدا - ىشكى باعىتتاعى پويىزبەن بارادى.
كەشكە قاراي قالادا «ءۇمىت قالاسى، ارمان قالاسى، مەن جانە سەن تۇراتىن قالا» اتتى مەرەكەلىك باعدارلاما، ەسترادالىق- ۇرمەلى وركەستردىڭ كونسەرتى، «بايقوڭىر ارۋى» قالالىق بايقاۋى ءوتىپ، وتشاشۋ بولادى.