قازاقستاندا وندىرىلەتىن مۇناي قورى 60 ميلليارد تونناعا دەيىن ءوسۋى مۇمكىن - ۇ. قارابالين
«2015 - جىلى ءبىز كاسپي ماڭى ويپاتىن گەولوگيالىق زەرتتەۋ بويىنشا «ەۋرازيا» جوباسىن ىسكە اسىرۋعا كىرىسەمىز، ونىڭ بارىسىندا اسا تەرەڭ ۇڭعىمالاردى بۇرعىلاۋ جوسپارلانۋدا. كاسپي ماڭى ويپاتىندا اشىلعان مۇناي كەن ورىندارى از ەمەس، سولاردىڭ اراسىندا تەڭىز، قاراشىعاناق جانە تاعى باسقالارى بار.
سونىمەن بىرگە اۋقىمدى كولەمدە كومىرسۋتەگى بولۋى ىقتيمال شوگىندى جىنىستار دا جەتەرلىك. ءساتىن سالسا، قازاقستاندا وندىرىلەتىن مۇناي قورى 60 ميلليارد تونناعا دەيىن ارتۋى مۇمكىن. بۇل جۇمىستار رەسەي فەدەراتسياسىمەن بىرلەسىپ جۇرگىزىلمەك، تاياۋدا ءبىز كەلىسىمگە قول قويماقشىمىز»، - دەدى ۇ. قارابالين.
اتىراۋ م ءو ز ۇجىمىمەن كەزدەسۋ «نۇرلى جول» - بولاشاققا باستار جول» اتتى پرەزيدەنت جولداۋىنىڭ نەگىزگى ەرەجەلەرىن ءتۇسىندىرۋ بويىنشا ق ر ەنەرگەتيكا ءبىرىنشى ۆيتسە-ءمينيسترى ۇزاقباي قارابالين باستاعان رەسپۋبليكالىق اقپاراتتىق توپپەن كەزدەسۋ اياسىندا ءوتتى.
