بيىل ەلىمىزدە 602 شاقىرىم اۆتوموبيل جولى سالىنادى

بۇل تۋرالى ق ر ينۆەستيتسيالار جانە دامۋ مينيسترلىگىنىڭ باسپا ءسوز قىزمەتى حابارلادى.

2016 -جىلى قازاقستان رەسپۋبليكاسى كولىك جۇيەسىنىڭ ينفراقۇرىلىمىن دامىتۋدىڭ جانە ىقپالداستىرۋدىڭ 2020 -جىلعا دەيىنگى مەملەكەتتىك باعدارلاماسى «نۇرلى جول» مەملەكەتتىك باعدارلاماسىمەن بىرىكتىرىلدى.

«ەنگىزىلگەن وزگەرىستەر بويىنشا 2017-2019 -جىلدارى باعدارلاما اياسىندا ۇزاقتىعى 4,4 مىڭ شاقىرىم، قۇنى 1,7 تريلليون تەڭگەنىڭ 23 جوباسىن ىسكە اسىرۋ كوزدەلگەن. بيىل اۆتوجولدار رەكونسترۋكتسياسىنا 356,2 ميلليارد تەڭگە، ونىڭ ىشىندە ۇلتتىق قوردان 143,5 ميلليارد تەڭگە ءبولىندى»، - دەپ اتاپ ءوتتى جەڭىس قاسىمبەك.

 استانا - قاراعاندى، ورتالىق - شىعىس، بەينەۋ - اقتاۋ، ورتالىق - باتىس، قاپشاعاي - تالدىقورعان، پەتروپاۆل - ر ف شەكاراسى جانە ورال - كامەنكا سياقتى ۇزاقتىعى 602 شاقىرىم بولاتىن 7 اۋىسپالى جوبادا جۇمىستار جالعاسىپ، بيىلدىڭ سوڭىندا اياقتاۋ جوسپارلانعان. مينيستر اتاپ وتكەندەي، رەسپۋبليكالىق بيۋدجەت جانە حالىقارالىق قارجى ينستيتۋتتارىنىڭ (ح ق ي) قاراجاتتارى ەسەبىنەن جالپى ۇزىندىعى 3,2 مىڭ شاقىرىم بولاتىن 16 جاڭا جوبانىڭ رەكونسترۋكتسياسى باستالماق.

ولار: اقتوبە - ماقات، اتىراۋ - استراحان، كۇرتى - بۋرىلبايتال، بۋرىلبايتال - بالقاش، مەركە - بۋرىلبايتال، تالدىقورعان - وسكەمەن، ۇزىناعاش - وتار، جەتىباي - جاڭاوزەن، قالباتاۋ - مايقاپشاعاي، ءۇشارال - دوستىق، بەينەۋ - اقجىگىت، قوستاناي - دەنيسوۆكا، شۋچينسك - زەرەندى، استانانىڭ وڭتۇستىك- باتىس اينالما جولى، وسينوۆ اسۋى، تاسكەسكەن - باقتى. جالپى اۆتوجولدار رەكونسترۋكسياسى جۇمىستارىنا 100 مىڭنان استام ادام تارتىلادى.

www.24.kz