قازاقستان 600 توننادان استام ءونىمدى ەكسپورتتاۋشى ەلدەرگە كەرى قايتاردى
«6-20 -قازان كۇندەرى قازاقستان رەسپۋبليكاسىنىڭ اۋماعىنا جەتكىزىلگەن جوعارعى فيتوسانيتاريالىق ءقاۋپى بار كارانتينگە جاتقىزىلاتىن ونىمدەردى تەكسەرۋ بارىسىندا قازاقستان رەسپۋبليكاسى جانە ەۋرازيالىق ەكونوميكالىق وداعىنىڭ وسىمدىكتەر كارانتينى سالاسىنداعى زاڭ بۇزۋشىلىقتىڭ 59 فاكتىسى انىقتالدى»، - دەلىنگەن مەكەمە حابارلاماسىندا.
اتاپ ايتقاندا، رەسەي فەدەراتسياسىنان مىندەتتى فيتوسانيتارلىق ىلەسپە سەرتيفيكاتىنسىز ءونىم (جارما تۇرلەرى - 22 توننا، كارتوپ - 83,5 توننا، بانان - 20 توننا، كەسىلگەن اعاش دايىندامالارى - 74,5 تەكشە مەتر) اكەلۋ جاعدايلارى انىقتالدى.
قىرعىزستان رەسپۋبليكاسىنان مىندەتتى فيتوسانيتارلىق ىلەسپە سەرتيفيكاتسىز ءونىم (الما جانە المۇرت 93,3 توننا، ءجۇزىم 21 توننا، قىزىلشا 4 توننا) اكەلۋدىڭ 11 جاعدايى تىركەلگەن. 17 جاعدايدا (20,6 توننا قۇرما جانە اناردان، 47,7 توننا الما جانە المۇرتتان، 42,4 توننا كەپتىرىلگەن جەمىستەردەن، 60,1 توننا جۇزىمنەن جانە 66,7 توننا كارتوپتان كومستوق قۇرتتارى، شىعىس جەمىرى، كارتوپتىڭ التىن تۇستەس قۇرتى، ازيالىق جەمىس شىبىنى، كارتوپ كۇيەسى تابىلعان.19 جاعدايدا ءونىم (10,5 توننا تاڭقۋراي جانە قۇلپىناي، 37,2 توننا الما جانە المۇرت، 61,2 توننا ءجۇزىم، 12 توننا قارا ورىك، 2,9 توننا انار) تاڭبالانباي جەتكىزىلگەن.
ودان بولەك، قىتاي حالىق رەسپۋبليكاسىنان 0,02 توننا ماندارين مىندەتتى فيتوسانيتارلىق سەرتيفيكاتسىز اكەلىنگەن.
جوعارىدا كورسەتىلگەن جالپى سالماعى 605,12 توننا جانە 74,5 تەكشە مەتر بولاتىن كارانتينگە جاتقىزىلاتىن ونىمدەر ەكسپورتتاۋشى مەملەكەتتەردىڭ اۋماعىنا قايتارىلدى.
