ورالداعى «زەنيت» زاۋىتى سالماعى 600 تونناعا دەيىن جەتەتىن ءىرى كەمەلەر قۇراستىرماق
شەكارا قىزمەتىنىڭ تاپسىرىسى بويىنشا جاسالعان تاعى ءبىر كاتەردىڭ قۇرىلىسى جىل سوڭىنا دەيىن اياقتالادى.
كەمە قۇراستىرۋ ىسىندە مەتالدى قاجەتتى قالىپقا كەلتىرۋگە ارنالعان مىنا ۇستا سەحى ەرەكشە ءرول اتقارادى. تەمىر ۇستاسى الەكساندر گولوس وسى جەردە 30 جىلدان بەرى ەڭبەك ەتىپ كەلەدى. قيىندىعى مول جۇمىستىڭ جاۋاپكەرشىلىگى دە از ەمەس. باستىسى - ءاربىر مەتالدىڭ سيپاتتاماسىن، ونى ءدال قانداي تەمپەراتۋرادا بالقىتۋ كەرەكتىگىن بەس ساۋساعىڭداي ءبىلۋىڭ كەرەك، - دەيدى شەبەر.
- بەلگىلى ءبىر بولشەكتىڭ نوبايىنا قاراي مىناداي ماتەريالدى پەشتە قىزدىرىپ، قاجەتتى كولەمدى الامىز. ماسەلەن مىنا قۇرىش تەمىر بولاشاق كەمەنىڭ ءبىر بولشەگىنە اينالادى. بولاتتان بولەك الليۋميني جانە قولا مەتالدى دا قىزدىرامىز. ول ءۇشىن پەشتىڭ قىزۋى كەمىندە 1000 گرادۋستان اسۋى ءتيىس. قۇراستىرىلاتىن ءاربىر سۋ كولىگىنىڭ وزىندىك ارتىقشىلىعى بولادى. زاۋىتتىڭ باس تەحنولوگىنىڭ ايتۋىنشا، ولار ءبىر- بىرىنەن قارۋ- جاراعى، ناۆيگاتسيالىق جۇيەسى مەن وزگە دە قوندىرعىلارىنا قاراي ەرەكشەلەنەدى. قازىر زاۋىت جۇمىسشىلارى كاسپيدەگى شەكارا قىزمەتىنىڭ تاپسىرىسىنا سايكەس سالماعى 300 توننا بولاتىن سۋ كولىگىن قۇراستىرۋدا.
وسىدان تۋرا 20 جىل بۇرىن سۋعا تۇسىرىلگەن العاشقى كاتەردىڭ سالماعى نەبارى 13 توننا تارتقان ەدى. ال بارلىق تالاپتارعا جاۋاپ بەرەتىن «بۇلان» ۇلگىسىندەگى سۋ جاڭا جوبانى جۇزەگە اسىرۋ بولاشاقتىڭ ەنشىسىندەگى شارۋا.
