جەلاياق فۋتبولشى 60 مەتردى 6 سەكۋندتا جۇگىرىپ الەمدى تاڭداندىردى - كەسكىن

استانا. قازاقپارات - يندونەزيانىڭ «بورنەو» كومانداسىندا وينايتىن تەرەنس پۋحيري ەسىمدى فۋتبولشى اسقان جىلدامدىعىمەن جۇرتتى تاڭداندىردى.

Twitter جەلىسىندەگى FootyMemes پاراقشاسىندا جاريالانعان شولۋدا فۋتبولشى 60 مەتردى 6 سەكۋندتا جۇگىرىپ وتكەن.

21 جاستاعى فۋتبولشىنىڭ بويى 157 سانتيمەتر ەكەن. بويى الاسا بولسا دا، فۋتبولشىنىڭ شاپشاڭدىعىنا تاڭدانعاندار سانى كوپ. الەۋمەتتىك جەلىلەردە ونى الەمدەگى ەڭ جىلدام فۋتبولشى دەپ تە اتاۋدا.

كەي الەۋمەتتىك جەلى قولدانۋشىلارى تەرەنس پۋحيريعا دورتمۋندتىق «بورۋسسياعا» اۋىسۋعا كەڭەس بەرگەن.

«نەمىس كومانداسى كەلەر جىلى ۋسەين بولتپەن وسى ويىنشىنى السا ەكەن» - دەپ پىكىر قالدىرعاندار دا كەزدەسكەن.

تەرەنس پۋحيري گول سوققان ويىندا «بورنەو» «ميترا كۋلار» كومانداسىن 4:0 ەسەبىمەن ويسىراتا ۇتتى.

ايتا كەتەيىك، ايگىلى جەلاياق ۋسەين بولت 2018-جىلى فۋتبولداعى مانسابىن باستايتىنى تۋرالى ايتقان بولاتىن. يامايكالىق سپورتشى «مانچەستەر يۋنايتەد» كومانداسىنا جانكۇيەرلىك تانىتادى. ال وسىعان دەيىن «بورۋسسيا د» ساپىندا جاتتىعۋلارعا قاتىسىپ ۇلگەردى.

Massaget.kz