قازاقستاندىق 60 دانا اسكەري تەحنيكا «بەيبىت ميسسيا -2018» وقۋ- جاتتىعۋىنا قاتىستى
جەتى مەملەكەتتىڭ بىرلەسكەن شاراسى 22 - تامىز بەن 29 - تامىز ارالىعىندا چەليابى وبلىسى چەباركۋل پوليگونىندا ءوتتى. جەتى مەملەكەت اسكەريلەرىنىڭ باسىن بىرىكتىرگەن جاتتىعۋدا قانداي تاپسىرمالار ورىندالدى؟
جەتى ەلدەن كەلگەن ءۇش مىڭداي اسكەري ءبىر اپتا بويى وقۋ- جاتتىعۋدىڭ اقتىق كۇنىنە دايىندالدى. ولار قارۋلى كۇشتەردىڭ ءتۇرلى بولىمشەلەرى اراسىندا پىكىر الماسىپ، تەرروريزمگە قارسى شابۋىلدىڭ ءار ەلەمەنتىن دايىندادى. سسەناري بويىنشا ۇشقىشسىز باسقارىلاتىن ۇشاق مىنا ەلدى- مەكەندى بومبالاۋى ءتيىس. ال اۆياتسيا، ارتيللەريا جانە شابۋىلشى توپتار بۇل قاتەردىڭ الدىن- الۋعا مىندەتتى. ونىڭ قاتارىندا قازاقستاندىق 5 جويعىش تا بار.
مۇرات مايكەيەۆ، قوعانىس ءمينيسترىنىڭ ءبىرىنشى ورىنباسارى، ق ر ق ك باس شتابىنىڭ باسشىسى:
- ءبىز مۇنداي جاعدايعا ۇنەمى دايىن تۇرۋىمىز كەرەك. سەبەبى بۇل جاھاندىق قاۋىپ توندىرەتىن قاتەر. جالپى ءبىزدىڭ اسكەريلەردىڭ دايىندىعى كوڭىلدەن شىقتى. مۇندا ءوز كاسىبيلىگىنىڭ جوعارى دەڭگەيىن كورسەتتى. ەلدى مەكەندى لاڭكەستەردەن ازات ەتۋ. اۋە دەسانتىن جەرگە ءتۇسىرىپ، تەرروريستەردىڭ كوزىن جويۋ. ارنايى وپەراتسيانىڭ ماقساتى وسى. قازاقستان اتىنان باسىپ الۋ پروتسەسىنە ءتىنتۋ- شابۋىلداۋ روتاسى شىقتى.
ۆالەري گەراسيموۆ ، ر ف ق ك باس شتابىنىڭ باسشىسى:
- بيىلعى وقۋ- جاتتىعۋدىڭ ەرەكشەلىگى شاڭحاي ىنتىماقتاستىق ۇيىمىنىڭ جاڭا مۇشەلەرىنىڭ قاتىسۋىندا. ول ءۇندىستان مەن پاكىستان ەلدەرى. ياعني شارانىڭ اۋقىمى كەڭەيە ءتۇستى. شاڭحاي ىنتىماقتاستىق ۇيىمى اسكەري بىرلەستىك ەمەس، دەگەنمەن، ەكسترەميزممەن جانە تەرروريزممەن كۇرەسۋگە اسا دەن قويادى. سول ارقىلى ۇيىمعا مۇشە ەلدەرگە قاۋىپ تونە قالعان جاعدايدا، بىرگە توتەپ بەرمەك.
www.24.kz
