5G جۇيەسى: 1,3 مىڭنان استام بازالىق ستانتسيا ورناتىلدى
استانا. KAZINFORM – ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ەلىمىزدىڭ اۋماعىن 5G ينتەرنەت جەلىسىمەن قامتۋ قارقىنىنا قاتىستى تۇسىنىك بەردى.
«ق ر ۇكىمەتىنىڭ 2023 -جىلعى 27-قازانىنداعى №949 قاۋلىسىمەن بەكىتىلگەن «قولجەتىمدى ينتەرنەت» ۇلتتىق جوباسىنىڭ اياسىندا ەلىمىزدىڭ رەسپۋبليكالىق ماڭىزى بار قالالارىن (%75 اۋماعى) جانە وبلىس ورتالىقتارىن(%60 اۋماعى) 5G موبيلدى تەحنولوگياسىمەن قامتۋ جۇمىستارى جۇزەگە اسىرىلىپ جاتىر. قازىرگى كەزدە ەلىمىزدىڭ 20 قالاسىندا 1300 دەن استام بازالىق ستانتسيا ورناتىلدى»، - دەلىنگەن سيفرلىق دامۋ مينيسترلىگىنىڭ Kazinform اگەنتتىگىنە بەرگەن جاۋابىندا.
ۆەدومستۆو مالىمەتىنشە، مەملەكەت باسشىسىنىڭ تاپسىرماسىنا سايكەس، 5G موبيلدى تەحنولوگياسىن ەنگىزۋ جۇمىستارى 2025 -جىلدىڭ سوڭىنا دەيىن اياقتالۋى ءتيىس.
ايتا كەتەيىك، 2027 -جىلدىڭ سوڭىنا دەيىن بايلانىس وپەراتورلارى 5G تەحنولوگياسىن دامىتۋعا 450 ميلليارد تەڭگە ينۆەستيتسيا سالادى.
