19:58, 03 - ءساۋىر 2023 | GMT +5
بولات وتەمۇراتوۆ قورى تۇركيادا ءزىلزالادان زارداپ شەككەندەرگە 5 ميلليون دوللار ءبولدى
استانا. قازاقپارات - تۇركيا رەسپۋبليكاسىنىڭ استاناداعى ەلشىلىگى بولات وتەمۇراتوۆ قورىنا تۇركياداعى جەر سىلكىنىسىنەن زارداپ شەككەندەرگە كومەك كورسەتكەنى ءۇشىن العىس ءبىلدىردى، دەپ حابارلايدى قازاقپارات.
ب. وتەمۇراتوۆ قورى تۇركيانىڭ توتەنشە جاعدايلار باسقارماسىنا (AFAD) 5 ميلليون دوللار كولەمىندە قاراجات بولگەن.
«ءبىز باۋىرلاس حالىقتارىمىزدىڭ ىنتىماقتاستىعى مەن ءوزارا كومەك كورسەتۋدىڭ ۇزدىك داستۇرلەرىندەگى وسى ماڭىزدى جانە ۋاقىتىلى قولداۋدى جوعارى باعالايمىز»، - دەپ اتاپ ءوتتى ەلشى مۇستافا كاپۋدجۋ.
بۇعان دەيىن تۇركيا پرەزيدەنتى رەجەپ تايپ ەردوعان ق ر پرەزيدەنتى قاسىم-جومارت توقايەۆتىڭ اتىنا العىس حات جولداعان ەدى.
«قازاقستاننىڭ بەرگەن جاردەمى ءزىلزالانىڭ اۋىر سالدارىمەن كۇرەس كەزىندە حالقىمىزعا زور قولداۋ بولدى»، - دەدى تۇركيا پرەزيدەنتى.
