قوستانايداعى كىسى ولىمىنە 5 جىل بۇرىن قايتىس بولعان ادامدى كىنالى دەپ تاپقان
كەيىننەن قىلمىستى ءىزىن سۋىتپاي اشۋ مۇمكىن بولماعاندىقتان، ءىس ارحيۆكە وتكىزىلگەن. 2022 -جىلى، ياعني 32 جىلدان كەيىن اۋدان پوليتسياسى كىسى ءولتىرۋشىنى انىقتاۋ جانە تەرگەۋدى اياقتاۋ تۋرالى بايانداعان. ءوز ەركىمەن كىناسىن مويىنداۋ نەگىزىندە ج دەگەن ازامات كىنالى دەپ تانىلعان.
بۇل رەتتە، كىسى ءولتىرۋ ءىسى كۇدىكتىنىڭ قايتىس بولۋىنا بايلانىستى توقتاتىلعان.
«الايدا پروكۋراتۋرا انىقتاعانداي، ج كىنالى بولىپ تانىلعاننان 5 جىل بۇرىن قايتىس بولعان. باسقاشا ايتقاندا، ول كىناسىن مويىنداۋ تۋرالى جازباعان، قىلمىس جاساۋداعى كىناسى قىلمىستىق ءىس ماتەريالدارىمەن دالەلدەنبەگەن.
وسىلايشا، پوليتسيا قىزمەتكەرلەرى قىلمىستىڭ اشىلۋ كورسەتكىشتەرىن جاساندى تۇردە ارتتىرۋ ماقساتىندا قىلمىستىق زاڭنامانىڭ نەگىزگى قاعيداتتارىن بۇزعان»، - دەپ جازدى ۆەدومستۆودان.
پروكۋراتۋرا ج-نى كىنالى دەپ تانۋ تۋرالى بارلىق پروتسەستىك شەشىمدەردىڭ كۇشىن جويدى.
تەرگەپ-تەكسەرۋدى ۇيىمداستىرۋ باسقا ورگانعا جۇكتەلدى.
كىنالى قىزمەتكەرلەرگە قاتىستى جاۋاپكەرشىلىككە تارتۋ تۋرالى ماسەلە كوتەرىلدى.
وسى ءمان-جايلاردى انىقتاۋ ءۇشىن باس پروكۋراتۋرا قىزمەتكەرلەرىنە وڭىرگە بارۋدىڭ قاجەتتىلىگى تۋىندامادى.
ەلەكتروندىق فورماتتاعى ءىس اقپاراتتىق جۇيەلەر ارقىلى ونلاين-رەجيمدە زەردەلەندى.
