پەتروپاۆلدا ايالداما اينەگىن سىندىرعان جىگىت 5 تاۋلىككە قامالدى - ۆيدەو
سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، پەتروپاۆلدىڭ 21 جاستاعى تۇرعىنى ماس كۇيىندە قالانىڭ 20-شاعىناۋدانىنداعى ايالداما پاۆيلونىنىڭ اينەگىن ادەيى سىندىرعان.
بۇزاقىلىق جاساپ، مۇلىكتى بۇلدىرگەن جىگىت 5 تاۋلىككە قاماۋعا الىندى.
جالپى جىل باسىنان بەرى پەتروپاۆلدا ايالداما پاۆيلوندارىن زاقىمداۋدىڭ 6 فاكتىسى تىركەلدى.
كوپ جاعدايدا بۇزاقىلار كوشەدەگى بەينەكامەرالاردىڭ كومەگىمەن انىقتالىپ، جازاعا تارتىلادى.
«بۇعان دەيىن مۇنداي قۇقىق بۇزۋشىلىقتار ق ر اكىمشىلىك قۇقىق بۇزۋشىلىق تۋرالى كودەكسىنىڭ 434-بابى «ۇساق بۇزاقىلىق» بويىنشا سارالاناتىن، الايدا بيىلعى 7-ناۋرىزدان باستاپ زاڭناماعا بوتەننىڭ مۇلكىن قاساقانا جويعانى نەمەسە بۇلدىرگەنى ءۇشىن جاۋاپكەرشىلىكتى كوزدەيتىن جاڭا نورما قولدانىسقا ەنگىزىلدى. ەندى ق ر ا ق ب ت ك-نىڭ 147-1-بابى، ياعني «بوتەن مۇلىكتى قاساقانا جويۋ نەمەسە ءبۇلدىرۋ» بويىنشا جاۋاپكەرشىلىك 20 ا ە ك مولشەرىندە ايىپپۇل نەمەسە 5 تەن 15 تاۋلىككە دەيىنگى مەرزىمگە اكىمشىلىك قاماققا الۋدى كوزدەيدى. ۇساق بۇزاقىلىق قايتا جاسالعان جاعدايدا 15 تەن 30 تاۋلىككە دەيىنگى مەرزىمگە قاماۋعا الىنادى»، - دەيدى پەتروپاۆل قالاسى پوليتسيا باسقارماسىنىڭ جەرگىلىكتى پوليتسيا قىزمەتى ءبولىمىنىڭ باستىعى ايدىن اقماعامبەتوۆ.
اۆتور
اقەركە داۋرەنبەك قىزى
