اڭگىمەلەسۋدەگى 5 قاتەلىك

استانا. قازاقپارات - اڭگىمە جۇرگىزە الۋ دا ونەر. ونى ءاردايىم جەتىلدىرىپ وتىرۋ قاجەت. ەلگە قىزىقتى بولا الساڭىز سىزگە ادامدار دا تارتىلىپ، ۇلكەن مۇمكىندىكتەر اشىلا تۇسپەك.

الايدا اڭگىمەڭىز جاراسىمدى بولۋ ءۇشىن شەشەن، قىزىعۋشىلىعى مول ادام بولۋمەن قاتار تومەندەگى كەلتىرىلگەن قاتەلىكتەردى جىبەرمەيتىندەي سابىرلىق تا قاجەت:

1. ماقتانشاقتىق

كەيبىر ادامدار جاڭا كولىگى نەمەسە زور تابىسى جايلى ايتسام، ەلگە ۇلكەن اسەر قالدىرا الامىن دەپ ويلايدى. ارينە، سولاي عوي. ءبىراق ولار ءوزى سياقتى اقىماقتارعا اسەر قالدىرادى. پاراساتتى ادامدار ولاردى قىزىقسىز ءارى جەڭىلتەك دەپ ەسەپتەيدى. بىرەۋ ءوزىن كوتەرمەلەگىسى كەلگەندە بۇل بىردەن بايقالادى، جانە دە مۇنداي تىرىسۋلار جاعىمسىز اسەر قالدىرادى.

2. تىم كوپ اقىل ايتۋ

ءار ادام وزىنشە اقىلدى. بىرەۋ- مىرەۋ سىزگە باسىن قاتىرىپ جۇرگەن ماسەلەلەرىن ايتۋعا كەلگەنگە، ەڭ ءبىرىنشى باسقا كەلەتىنى - قولداۋ ءبىلدىرۋ، ءوز ويىڭدى ايتۋ، تاجىريبەڭمەن ءبولىسۋ. ءبىراق كەيدە ادام جاي عانا اشىلعىسى كەلۋى دە مۇمكىن. ەگەر پىكىرىڭىز ارتىق ەكەنىن سەزىپ تۇرساڭىز، ونى ىشتە ساقتاپ ۇيرەنىڭىز. ادەتتە ادامعا شىنىمەن پىكىرىڭىز قاجەت بولسا، ول ونى ءوزى- اق سۇرايدى. مۇنداي جاعدايدا اسىرا سىلتەمەڭىز. اقىل ايتامىن دەپ تىم اۋەستەنىپ كەتسەڭىز، بار سۇراققا جاۋابى تابىلا قوياتىن اقىلشىسىماق بولامىن دەپ، ماسەلەمەن باسى قاتقان ادامنىڭ جۇيكەسىنە ءتيۋىڭىز ابدەن مۇمكىن.

3. «ال مەن... ال ماعان... ال مەندە...»

ءبىر عانا تاقىرىپتا سويلەۋگە قۇمار ادامدار بار. ياعني، تەك ءوزى جايلى. كەز كەلگەن ديالوگتى ءوزى جايلى مونولوگقا اينالدىرىپ جىبەرەدى. ەگەر ءسىز: اڭگىمەلەسۋشىڭىزدى ءاردايىم: «بۇل تۇك ەمەس قوي، ال مەندە...» دەگەن سياقتى سوزدەرمەن ءبولىپ، ءوزىڭىزدىڭ وقيعاڭىزدى ايتىپ باستاپ كەتسەڭىز، اڭگىمەنى وزىڭىزگە قىزىق تاقىرىپقا اينالدىرىپ جىبەرە بەرسەڭىز جانە تالقىلانىپ بىتسە دە، ايتقىڭىز كەلىپ تۇراتىن بولسا، تىم كوپ سويلەسەڭىز - ويلانىڭىز. كەز كەلگەن جاعدايدا اڭگىمەلەسۋشىڭىزدىڭ اڭگىمەسىن تولىق تىڭداپ بولعان سوڭ عانا، ءسوز الىڭىز.

4. وسەك

جاڭا تانىسقان ادامىڭىزبەن كورشى وتىرعان ايەلدىڭ ەبەدەيسىز كيىمىن، ورتاق تانىسىڭىزدىڭ جۋىلماعان شاشىن نەمەسە كورشىڭىزدىڭ جاڭا ماحاببات حيكاياسىن تالقىلاۋدى ءجون سانادىڭىز با؟ وندا بۇل ادام كەيىن جوق بولىپ كەتسە تاڭ قالماڭىز. وسەك ايتۋ مەن اينالاداعى ادامداردى تالقىلاۋ - ەكىنىڭ بىرىنە جاقپايدى. مۇنداي اڭگىمەلەرمەن ءسىز ءوزىڭىزدى باسقالاردان جوعارى ەكەنىڭىزدى كورسەتسەڭىز دە بۇل سىزگە ابىروي بەرمەيدى. سونىمەن قاتار، باسقالاردى كىرىسە تالقىلاپ جاتقانىڭىزعا قاراپ، ول كەتكەن سوڭ وعان دا كوشۋىڭىز مۇمكىن دەپ ويلاۋى بەك مۇمكىن. ال بۇدان كەيىن كىم سىزگە قاراي تارتىلسىن؟

5. قاتەلەسىپ قالامىن دەپ قورقۋ

اڭگىمەلەسۋدەگى ەڭ باستى قاتەلىكتەردىڭ ءبىرى - قاتەلەسىپ قالامىن دەگەن قورقىنىش. ادام ءوزى جايلى جاعىمدى اسەر قالدىرعىسى كەلىپ، قاتتى تىرىسىپ جاتسا - بۇل بىردەن بىلىنەدى. ول ءاربىر ءسوزىن تالداپ سويلەپ، ال ويلارى ديالوگتا ەمەس، ءوز- وزىمەن ارپالىستا بولادى. نەگىزىندە ءبارى قاراپايىم. نە ايتىپ جاتقانىڭىزدى ويلاڭىز جانە ويلاعانىڭىزدى ايتىڭىز.

مۇنداي قاتەلىكتەردى جىبەرمەۋ ءۇشىن نە ىستەۋ كەرەك؟

ءبارى وتە وڭاي. ءوزىڭىز جايلى كوپ ويلاماڭىز. اتالىپ وتكەن ماسەلەلەردىڭ بارلىعى وزىڭىزگە اسا كوپ نازار اۋدارعاننان تۋىندايدى. ءوزىڭىزدىڭ شەكتەن شىقپاۋىن قاداعالاپ، اڭگىمەدەن ءلاززات الۋعا تىرىسىڭىز.

Ihsan.kz