ۇزاق ءومىر ءسۇرۋدىڭ جولى: جاپون حالقىنىڭ 5 ءادىسى
ۇزاق ءومىر ءسۇرۋ جاپوندار ءۇشىن قالىپتى جاعداي. بۇل تەگىن ەمەس. حالىقتىڭ ادەت- عۇرپىنا، ءىشىپ- جەمىندە ءبىر سىر جاتىر دەگەن ءسوز. ەندەشە ول قانداي سىر ەكەن، سوعان ۇڭىلەيىك.
بالدىر جەۋ
بالدىر جەۋ جاپون حالقىنىڭ ادەتىنە اينالعان. عاسىرلار بويى بالدىر جەپ كەلەدى. ال بالدىر - ادامعا ەڭ پايدالى تاعامداردىڭ ءبىرى. قۇرامىندا انتيوكسيدانت (قاتەرلى ىسىكتىڭ الدىن الۋشى قوسپا)، جاسۇنىق پەن ا، س جانە ە دارۋمەندەرى كوپ بولادى.
اشىتىلعان تاماق
جاپوندار ميسو، ناتتو، سويا، تەمپە ي سويا سوۋسى سىندى فەرمەنتتەلگەن تاعامداردى جاقسى كورەدى ءارى جاقسى جەيدى. بۇلار يممۋنيتەتتى كوتەرەدى. فەرمەنتتەلگەن تاعام دەگەنىمىز - اشىتىپ، بوجىتۋ ارقىلى جاسالعان تاعامدار. فەرمەنتتەلگەن تاعامدارعا ايران، يوگۋرت، تۇزدالىپ بانكىگە جابىلعان ورامجاپىراق پەن قيار، باسقا دا اشىتىلعان تاعامدار جاتادى.
ورگانيكالىق تاماق
جاپون حالقى ءوزىنىڭ جەرىندە وسىرىلگەن جەمىس پەن كوكونىستى جەيدى. وڭدەلگەن تاۋاردى تۇتىنباۋعا تىرىسادى. كوك شايدى جانىنداي جاقسى كورەدى. كوك شاي ادامنىڭ ەنەرگياسىن كوبەيتەدى، يممۋنيتەتىن جاقسارتادى. جۇرەك جانە قاتەرلى ىسىك اۋرۋلارىنىڭ الدىنا الۋعا كومەكتەسەدى.
بيدايدىڭ ورنىنا كۇرىش جەيدى
ازيا حالىقتارىنىڭ ءبىر ەرەكشەلىگى - كۇرىشتى كوپ جەيتىنى. جاپوندار كۇرىشتى كۇندە جەيدى. بيداي ادامدى تەز سەمىرتەدى. ال كۇرىش جۇرەك پەن قان تامىرىنا پايدالى. ال ۇننان جاسالعان تاعامدار ادامدى جۇرەك جانە قان اۋرۋلارىنا اكەلۋى مۇمكىن.
كوپ جۇرەدى
جاپونداردىڭ تاعى ءبىر قاسيەتى - جاياۋ ءجۇرۋ. جاياۋ ءجۇرۋدى جاقسى كورەدى. جۇمىسقا دا، دۇكەن مەن باسقا باراتىنا جەرىنە دە جاياۋ بارا بەرەدى. سپورتزالعا بارۋدىڭ ورنىنا جاي جاياۋ ءجۇرۋدى ءجون كورەدى. جاياۋ ءجۇرۋدىڭ پايدالى ەكەنىن جاپونعا قاراپ تۇسىنسەك جەتكىلىكتى.
اقپارات دەرەككوزى: https://massaget.kz
