12:56, 11 - ناۋرىز 2022 | GMT +6
قىسقى پاراليمپيادا: الەكساندر گەرليس تاعى ءبىر باسەكەدە 5-ورىن الدى
نۇر-سۇلتان. قازاقپارات - پاراليمپيادا ويىندارىندا قازاقستاندىق الەكساندر گەرليس شاڭعىمەن 12,5 شاقىرىمعا تۇرەگەپ جارىسۋدان جەكەلەي سىندا مارە سىزىعىن بەسىنشى بولىپ قيدى، دەپ حابارلايدى قازاقپارات ءتىلشىسى.
اتالعان سايىستا التىن مەدال فرانسيالىق بەنجامەن داۆەگە بۇيىرسا، ودان كەيىنگى ورىنداردى كانادالىق مارك ارەندتس پەن ۋكراينالىق گريگوري ۆوۆچينسكي ءوزارا ءبولىستى.
ەسكە سالساق، بۇگىن قازاقستاندىق سپورتشى الەكساندر گەرليس پارابياتلوننان 10 شاقىرىمعا تۇرەگەپ سىرعاناۋدا مارە سىزىعىن ءۇشىنشى بولىپ قيدى.
ودان كەيىن سپرينتتە 5-ورىن الدى.
قازاقستان سپورتشىلارى پاراليمپيادا ويىندارىنا 1994 -جىلدان بەرى تۇراقتى تۇردە قاتىسىپ كەلەدى.
بۇگىنگى كۇنگە دەيىن 1994 -جىلى 10 شاقىرىمعا كلاسسيكالىق مانەردە شاڭعى جارىسىندا قازاقستاندىق ليۋبوۆ ۆوروبيەۆا كۇمىس العان ەدى.
ال 2018 -جىلى شاڭعىمەن جارىستا الەكساندر كوليادين 1,5 شاقىرىمعا كلاسسيكالىق مانەردە سپرينت جارىسىندا چەمپيون اتاندى.