الماتى وبلىسىنىڭ ۇيعىر اۋدانىندا كولىك اپاتىنان 5 ادام مەرت بولدى

الماتى وبلىستىق پوليتسيا دەپارتامەنتىنىڭ باسپا ءسوز قىزمەتىنىڭ مالىمەتىنشە، وقيعا بۇگىن ساعات 10:25 شاماسىندا «شونجى- اقسۋ- ۇزىنتام» جولىنىڭ 3- شاقىرىمىندا بولعان.

«الدىن الا بولجام بويىنشا «Audi» جانە «Nissan» كولىكتەرى سوقتىعىسقان. سالدارىنان ەكى كولىك تە وتقا ورانعان. ەكى ترانسپورتتىڭ دا جۇرگىزۋشىسى مەن «Nissan» كولىگىنىڭ ءبىر جولاۋشىسى وقيعا ورنىندا مەرت بولدى. تاعى 3 جولاۋشى ءتۇرلى دەنە جاراقاتىمەن شونجىداعى اۋرۋحاناعا جەتكىزىلدى. ول جەردە ەكى ادام كوز جۇمدى. ال 5 جاستاعى بالا جانساقتاۋ بولىمىندە جاتىر» - دەلىنگەن ۆەدومستۆونىڭ حابارلاماسىندا.

قازىر اتالعان فاكتى بويىنشا ق ر ق ك 345 -بابى 4- بولىگىنە سايكەس سوتقا دەيىنگى تەرگەۋ ءجۇرىپ جاتىر.

اۆتور: سامال قابىشيەۆا