ەلوردادا جانتۇرشىگەرلىك كولىك اپاتىنان 5 ادام مەرت بولدى
«30-قىركۇيەكتە تۇنگى ساعات 00:34-تە «Toyota Camry» اۆتوكولىگىنىڭ 19 جاستاعى جۇرگىزۋشىسى ەسىل وزەنىنەن وتەتىن كوپىردەن سارايشىق كوشەسىنە قاراي ءجۇرىپ كەلە جاتىپ، جىلدامدىق رەجىمىن ساقتاماعان. سونىڭ سالدارىنان ول ءرۋلدى باسقارا الماي، جولدىڭ قارسى جولاعىنا شىعىپ كەتىپ، «Nexia Ravon» اۆتوكولىگىمەن سوقتىعىستى. جول اپاتىنان 5 ادام قازا تاۋىپ، 1 ادام زارداپ شەكتى. وقيعا ورنىندا 2 جۇرگىزۋشى جانە تاعى 3 جولاۋشى مەرت بولدى. جانە «Toyota Camry» اۆتوكولىگىندەگى جولاۋشى اۋىر حالدە قالالىق اۋرۋحاناعا جاتقىزىلدى»، - دەلىنگەن حابارلامادا.
دەپارتامەنتتىڭ مالىمەتىنشە، اتالعان فاكتى بويىنشا ق ر ق ك 345-بابى 4-تارماعىنا سايكەس قىلمىستىق ءىس قوزعالدى. ءوز كەزەگىندە نۇر- سۇلتان قالاسىنىڭ پوليتسيا دەپارتامەنتى جولاۋشىلارعا جول ەرەجەلەرىن قاتاڭ ساقتاۋ كەرەكتىگىن ەسكەرتىپ، جولدا قىراعى بولۋعا شاقىرادى.
