قىتايدىڭ وڭتۇستىگىندە 5 مىڭ ادامدىق حالىقارالىق كارانتين ورتالىعى اشىلادى
جەرگىلىكتى ب ا ق- تىڭ حابارلاۋىنشا، گۋاڭجوۋداعى حالىقارالىق كارانتين ورتالىعى وسى جىلدىڭ قىركۇيەك ايىنىڭ سوڭىندا پايدالانۋعا بەرىلەدى. ورتالىقتىڭ بارلىق عيماراتىنىڭ قۇرىلىسى اياقتالعان، قازىرگى ۋاقىتتا نىسان اۋماعى اباتتاندىرىلىپ جاتىر.
كەشەننىڭ اۋماعى 25 گەكتار، ول A، B، C، D دەپ ءتورت ايماققا بولىنگەن. مەديتسينالىق نىساننىڭ 5 مىڭ بولمەسى بار. بۇعان دەيىن قىتايلىق ەپيدەميولوگ چجۋن نانشان ءمالىم ەتكەندەي، گۋانچجوۋداعى ءىرى حالىقارالىق كارانتين ورتالىعىنىڭ قۇرىلىسى شەتەلدەن كەلەتىن تۋريستەرگە جانە ەپيدەميولوگيالىق قاۋىپ جوعارى ايماقتارداعى جەرگىلىكتى تۇرعىندارعا ارنالعان.
سەبەبى، كارانتينگە بەرىلگەن جەرگىلىكتى قوناقۇيلەر سانيتارلىق- ەپيدەميولوگيالىق نورمالارعا ساي كەلمەيدى. ەسكە سالايىق، قىتايعا كەلەتىن حالىقارالىق رەيستەردىڭ %80-90 ى گۋاڭجوۋعا قونادى.