قوستانايدا 5 جاسار قىزدى ايۋ تىستەپ الدى
اقپاراتتى الەۋمەتتىك جەلىلەردە وقيعانىڭ كۋاگەرلەرى مەن زارداپ شەككەن قىزدىڭ جاقىندارى تاراتتى.
«ولار 5 - قىركۇيەك كۇنى بەس جاسار قىزدىڭ اتا- اناسىمەن بىرگە اۋماعىندا تورعا قويىلعان كىرەكەي بار «رادۋگا» دەمالىس ورنىنا كەلگەنى تۋرالى ايتىپ بەردى. اناسى مەن قىزى ونى تاماقتاندىرماق بولعان. باسىندا كىرەكەي ءوزىن جاقسى ۇستاعان. ودان كەيىن قىز بالا ءوز بەتىنشە تورعا جاقىندايدى. وسى كەزدە كىرەكەي قىزدى اياعىنان تارتىپ، ونى بىرنەشە رەت تىستەگەن. بالانىڭ ايعايىنا ونىڭ اتا- اناسى مەن دەمالىپ جاتقاندار جۇگىرىپ كەلدى. قىز بالا قۇتقارىلدى. جىلىنشىگى تىستەلگەن بالا وبلىستىق بالالار اۋرۋحاناسىنا جەتكىزىلدى»، - دەلىنگەن حابارلامادا.
بولعان وقيعا راستالدى، اتالمىش فاكتى بويىنشا قوستاناي اۋدانىنىڭ پوليتسيا ءبولىمى ق ر ق ك- ءنىڭ 114-بابى «دەنساۋلىققا ابايسىزدا زيان كەلتىرۋگە» سايكەس سوت الدى تەرگەۋدى باستادى. ول 80 ا ە ك كولەمىندە ايىپپۇل نەمەسە سول كولەمدە تۇزەۋ جۇمىستارىن، نەمەسە 20 تاۋلىككە باس بوستاندىعىنان ايىرۋدى قاراستىرادى. باستاپقى تەرگەۋ ارەكەتتەرى جۇرگىزىلدى. دەمالۋشىلار قازىرگى كەزدە كىرەكەيدىڭ دەمالىس ورنىنىڭ اۋماعىندا توردا ەكەنىن حابارلاپ جاتىر. ونىڭ جانىندا ەسكەرتۋ ماقساتىندا ساقتىق شارالارىن ساقتاۋ كەرەكتىگى تۋرالى تاقتايشالار قويىلعان.
اۆتور: ءبيبىحان سەرىكوۆا