حالىقارالىق سىيلىق العان 5 قازاقستاندىق
سامال ەسلياموۆا
قازاقستاندىق سامال ەسلياموۆا 71- كانن كينوفەستيۆالىندە ۇزدىك اكتريسا اتاندى. ول رەسەيلىك رەجيسسەر سەرگەي دۆورتسيەۆويدىڭ «ايكا» اتتى كارتيناسىندا باستى ءرولدى سومدادى.
«ۇزدىك اكتريسا» اتانعان قازاق قىزى سامال ەسلياموۆا 1984-جىلى 1- قىركۇيەكتە سولتۇستىك قازاقستان وبلىسى، پەتروپاۆل قالاسىندا دۇنيەگە كەلگەن. ول ونەر جولىن 2011-جىلى رەسەيلىك گيتيس تەاتر ونەرى ينستيتۋتىنىڭ اكتەرلىك فاكۋلتەتىندە ءبىلىم الۋ ارقىلى باستاعان.
ول «ايكا» اتتى فيلمنەن وزگە «جاۋقازىن» (تيۋلپان) كارتيناسىندا ويناعان. بۇل فيلم 2008-جىلى «ەرەكشە كوزقاراس» اتتى نوميناتسيا بويىنشا جەڭىسكە جەتكەن بولاتىن.
ەركەبۇلان دايىروۆ
قازاقستاندىق اكتەر ەركەبۇلان دايىروۆ كاننداعى World Film festival كينوفەستيۆالىندە «ازيانىڭ ۇزدىك اكتەرى» ماراپاتىن جەڭىپ الدى. وتانداسىمىز بۇل ماراپاتتى ەلميرا گيلماننىڭ «كۇنباعىس» فيلمىندەگى ءرولى بويىنشا الدى.
ەركەبۇلان دايىروۆ 1986-جىلى الماتى وبلىسى رايىمبەك اۋدانى قاراساز اۋدانىندا تۋعان. جۇرگەنوۆ اتىنداعى قازاق ۇلتتىق ونەر اكادەمياسىن بىتىرگەن.
2006-جىلدان بەرى مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ اكتەرى.
2013-جىلى قازاقستان جاستار وداعى «سەرپەر» سىيلىعىنىڭ لاۋرەاتى اتاندى، 2015-جىلى باۋىرجان مومىش ۇلى اتىنداعى «نامىس» وردەنىنىڭ يەگەرى بولدى.
«باۋىرجان مومىش ۇلى»، «اناعا اپارار جول»، «قازاق ەلى»، «جۇلدىزدار توعىسقاندا»، «تاراز»، «التىن وردا» سەكىلدى ءبىرقاتار فيلمدە ويناعان.
ديماش قۇدايبەرگەن
ديماش 2017-جىلى مۋزىكا سالاسىنداعى بىرنەشە ماراپاتتى الدى، سونىڭ ىشىندە قىتايداعى 24- China Music Awards ماراپاتىنداعى ەڭ ۇزدىك ازيالىق ءانشى (قىتايلىق گرەممي بالاماسى بولىپ سانالادى) جانە Tencent MTV Music Gala-نىڭ «ازياداعى ەڭ تانىمال شەتەلدىك ءانشى» سىيلىعىن يەلەندى.
ديماش قۇدايبەرگەن ۆيتەبسك قالاسىندا وتكەن XXIV حالىقارالىق ەسترادالىق ءان ورىنداۋشىلار «سلاۆيان بازارى-2015» بايقاۋىندا گران-پري جەڭىپ العان، «حالىق سۇيىكتىسى» ۇلتتىق سىيلىعىنىڭ لاۋرەاتى، «قازاقستان حالقىنىڭ بىرلىگىن نىعايتۋعا لايىقتى ۇلەس قوسقانى ءۇشىن» قازاقستان رەسپۋبليكاسىنىڭ پرەزيدەنتى قۇرمەت گراموتاسىن العان، «ABU TV song» حالىقارالىق فەستيۆالىنىڭ قاتىسۋشىسى.
ديماش 6 وكتاۆا، 8 جارتىلاي توندى قامتيتىن كەڭ ۆوكالدىق دياپازونىمەن تانىمال. ونىڭ جانكۇيەرلەرى بۇكىل الەمدە بار. ديماشتىڭ قۇرمەتىنە قىتايدا بىرنەشە تاۋار شىعارىلدى. جاپونيادا ونىڭ قۇرمەتىنە العاش رەت اۋەجاي حابارلامالارىن قازاق تىلىندە وقىدى.
يمانبەك زەيكەنوۆ
2020-جىلدىڭ اياعىندا مۋزىكانت يمانبەك زەيكەنوۆتىڭ (Imanbek) Saint JHN ورىندايتىن «Roses» انىنە جاساعان رەميكسى «گرەممي» سىيلىعىنا ۇمىتكەر اتانعاندى. ال بيىل 15- ناۋرىزدا «Roses (Imanbek Remix) « ترەگى «Best Remixed Recording» نوميناتسياسى بويىنشا مۋزىكانت «گرەممي» پرەمياسىن جەڭىپ الدى. يمانبەك - «گرەممي» العان العاشقى قازاقستاندىق.
يمانبەك زەيكەنوۆ - پاۆلودار وبلىسىنداعى اقسۋ قالاسىندا تۇراتىن 20 جاستاعى مۋزىكانت. وسىعان دەيىن تەمىرجول سالاسىندا جۇمىس ىستەگەن. رەميكس جاساۋدى، مۋزىكانى YouTube-تەگى ۆيدەولاردان ۇيرەنگەن.
2019-جىلى يمانبەك رەپەر Saint Jhn-نىڭ Roses دەگەن ءانىن بايقاپ، ونى بيلەۋگە ىقشامداپ رەميكس جاساعان. كەيىن ونى الەۋمەتتىك جەلىگە جۇكتەگەن. رەميكس وتە جىلدام قارقىنمەن تانىلا باستادى. دۇنيەجۇزىندەگى ءبىرشاما چارتتاردا بولدى. رەميكس YouTube-تە 145 ميلليوننان اسا قارالعان.
دانەليا تولەشوۆا
دانەليا الەكساندروۆنا تولەشوۆا قازاقستاندىق ءانشى. «گولوس دەتي» (ۋكراينا)، بايقاۋىنىڭ جەڭىمپازى. «New Wave Junior 2015» كورەرمەندەر سىيلىعىنىڭ لاۋرەاتى. قازاقستاندىق جاس ءانشى ايگىلى مۋزىكا سالاسىنداعى «بولاشاققا كوزقاراس» نوميناتسياسى بويىنشا ءبىرىنشى حالىقارالىق كاسىبي مۋزىكالىق «BraVo» سىيلىعىن جەڭىپ الدى.
قازاقستاننىڭ اتىنانJunior Eurovision 2018 بايقاۋىنا قاتىسىپ، 6-ورىندى يەلەندى. امەريكالىق «The World's Bestruen» (2019) شوۋىندا ۇزدىك 8 گە جەتتى جانە «امەريكا تالانتتاردى ىزدەيدى» شوۋىنىڭ فينالىندا (2020) ونەر كورسەتتى.
«Stone Cold» ءانى YouTube-تە 70 ميلليوننان استام قارالعان.
massaget.kz