جۇمىس بەرۋشىمەن سۇحبات كەزىندە ايتۋعا بولمايتىن 5 نارسە
ءوزىڭىز قالاعان جۇمىسقا ورنالاسقىڭىز كەلسە، جۇمىس بەرۋشىنىڭ سۇراقتارىنا ناقتى جاۋاپ بەرىڭىز. جانە تومەندەگى كەڭەستەرگە قۇلاق ءتۇرىپ، ارتىق اڭگىمەدەن اۋلاق بولىڭىز.
1. اقشا تۋرالى ايتا بەرۋ
جالاقى تۋرالى سۇراققا بىردەن اڭگىمەنى اقشا تاقىرىبىنا اۋدارىپ، ماقساتىڭىز ميلليونداپ قارجى تابۋ ەكەنىن ايتپاڭىز. ايتپەسە، جۇمىس بەرۋشىدە باسقا ويلار تۋادى. ياعني ول ءسىزدى ۇيرەتۋ ءۇشىن ۋاقىت پەن اقشا جۇمسايدى. كەيىن سىزگە باسقا كومپانيا جوعارى جالاقى ۇسىنسا، ءسىز كەتىپ قالادى دەگەن پىكىر قالىپتاسۋى مۇمكىن.
2. الدىڭعى جۇمىس ورنىڭىز تۋرالى تەرىس پىكىر
بۇرىنعى جۇمىس ورنىڭىز جانە ونداعى ارىپتەستەرىڭىز تۋرالى جامان وي ايتۋدان اۋلاق بولىڭىز. سەبەبى جاڭا جۇمىس بەرۋشى كەيىن ءوزى تۋرالى دا وسىنداي پىكىر ايتۋى مۇمكىن ەكەنىن ەسكەرىپ، ءسىزدى جۇمىسقا الۋدان باس تارتۋى مۇمكىن.
3. مۇمكىندىكتەرىڭىز تۋرالى جالعان سويلەۋ
ءبىز تۇيىندەمە جاساۋدا كوبىنە ءوز مۇمكىندىگىمىزدى اسىرا سىلتەپ جازىپ جاتامىز. بۇل دۇرىس ەمەس. شىنشىل بولىڭىز. قولىڭىزدان كەلمەيتىن زاتتى اشىق ايتىڭىز.
4. ءومىربايانىڭىزدى تولىق ايتپاۋ
ءومىربايانىڭىز تۋرالى سۇراعاندا، ومىرىڭىزدەگى ۇساق- تۇيەك جاعدايلاردى ايتپاڭىز. جۇمىس بەرۋشىگە ءسىزدىڭ قايدا جۇمىس ىستەگەنىڭىز، قانداي مىندەتتەردى ورىنداعانىڭىز، قانداي جەتىستىككە جەتكەنىڭىز، سونداي- اق بۇل كومپانيادا نە وزگەرتە الاتىنىڭىز ماڭىزدى.
5. جەكە تاقىرىپتارعا كوشۋ
سۇحبات كەزىندە وتباسىڭىز، نەمەن اۋىرعانىڭىز تۋرالى سونداي- اق سۇيىكتى ءىسىڭىز تۋرالى دا ايتۋدىڭ قاجەتى جوق. كەڭەس بەرىپ، كوپ سويلەۋ جۇمىس بەرۋشىنىڭ ۋاقىتىن الادى جانە ونى جالىقتىرۋى ابدەن مۇمكىن.