سترەستى بىرنەشە مينۋت ىشىندە جەڭۋدىڭ 5 قاراپايىم ءادىسى
1. جۇدىرىعىڭىزدى ءتۇيىڭىز سترەسس كەزىندە وتىرىپ- تۇرۋ نەمەسە ءتىپتى جۇگىرگەن جاقسى. ال ەگەر كەڭسەدە نەمەسە كولىكتە سترەسكە تۇسسەڭىز، وندا وڭ جۇدىرىعىڭىزدى بىرنەشە رەت قىسىڭىز. بۇل قاراپايىم جاتتىعۋ لوگيكا مەن ويلاۋعا جاۋاپ بەرەتىن ميدىڭ سول جاق جارتى شارىن بەلسەندىرەدى. وڭ جۇدىرىقتى قىسۋ ەموتسيالاردى وشىرۋگە جانە لوگيكالىق ويلاۋدى باستاۋعا كومەكتەسەدى.
2. تەرەڭ دەمالىڭىز تەرەڭ تىنىس الۋ مەن دەم شىعارۋ ءبىزدىڭ جۇيكە جۇيەمىزدى بەلسەندىرەدى، وعان دەنەدە ءبارى رەتتەلگەنى تۋرالى سيگنال بەرەدى. دۇرىس تىنىس الۋدى حاتحە- يوگادا ۇيرەتەدى، ءبىراق ەگەر ۋاقىتىڭىز بولماسا، مىنا قاراپايىم جاتتىعۋدى ورىنداپ كورىڭىز: باياۋ دەم الىڭىز، 5 كە دەيىن ساناڭىز. دەمىڭىزدى ەكىگە دەيىن ۇستاپ، التى دەگەندە جىبەرڭىز.
3. تەتريس ويناڭىز ەگەر ءسىز رەنجىگەن بولساڭىز جانە تۇنجىراعان كۇيدە جۇرسەڭىز، تەلەفونداعى ويىنداردى نەمەسە تەتريس ويناپ كورىڭىز. بۇل ءادىس قاراپايىم ەستىلگەنمەن، جۇمىس ىستەيدى. دوپتار نەمەسە كەز كەلگەن باسقا اركادا ويىنى ميدى الاڭداتادى، زەيىندى جيناۋعا جانە ميدىڭ جۇمىس جادىنا جاۋاپ بەرەتىن بولىگىن قوسۋعا ءماجبۇر ەتەدى. ءدال وسى ارەكەت ەموتسيونالدىلىقتى تومەندەتۋگە كومەكتەسەدى جانە ءسىز ءوزىڭىزدى جاقسى سەزىنەسىز.
4. تابيعات بەينەلەنگەن سۋرەتتەرگە قاراڭىز تابيعاتتىڭ ادەمى كورىنىستەرىنە قاراساق، ميىمىز تىنىشتالادى. تابيعاتقا شىعىپ، ونى كوزبەن كورۋگە مۇمكىندىك بولسا، ءتىپتى جاقسى. سترەستى جەڭۋدىڭ تاعى ءبىر ءادىسى وسى.
5. وزىڭىزگە تاپسىرما بەرىڭىز كەز كەلگەن ءىستى ورىنداۋ ءسىزدى سترەستەن الشاقتاتادى. وزىڭىزگە وڭاي ەمەس، ءبىراق ورىنداۋعا بولاتىن نارسەنى تاڭداڭىز. مي سترەسس كۇيىنەن تاپسىرمانى ورىنداۋعا اۋىسادى جانە سترەسس باياۋ قالپىنا كەلەدى.
ماڭىزدى ءسات: جاڭا سترەستى تۋدىرماس ءۇشىن تاپسىرما تىم كۇردەلى بولماۋى كەرەك. مىسالى، تورت ءپىسىرۋ، تەرەزەلەر جۋۋ نەمەسە گۇلدەردى باسقا ىدىسقا اۋىستىرۋ سياقتى تاپسىرمالاردى ورىنداعان پايدالى.
www.24.kz