قازگيدرومەت: 5-اقپان كۇنگى اۋا رايى بولجامى

نۇر-سۇلتان. قازاقپارات - قازاقستاننىڭ باسىم بولىگى سولتۇستىك-باتىس تسيكلونىنىڭ ىقپالىندا بولادى.

وسىعان بايلانىستى ەلدىڭ باسىم بولىگىندە جاۋىن، قار جاۋادى، دەپ حابارلايدى قازاقپارات «قازگيدرومەت» ر م ك- نىڭ مالىمەتتەرىنە سۇيەنە وتىرىپ.

كاسىپورىن تاراتقان مالىمەتتەرگە قاراعاندا، تەك ەلدىڭ وڭتۇستىك جانە وڭتۇستىك باتىسىندا عانا اۋا رايى جاۋىن-شاشىنسىز بولادى. رەسپۋبليكا بويىنشا كەي جەرلەردە تۇمان، كوكتايعاق، جاياۋ بۇرقاسىن بولىپ، جەل كۇشەيەدى.

سولتۇستىك-قازاقستان وبلىسىنىڭ كەي جەرلەرىندە تۇمان، كوكتايعاق، بۇرقاسىن بولىپ، باسىم بولىگىندە جەلدىڭ جىلدامدىعى سەكۋندىنا 15-20 مەتر، ەكپىنى 23-28 مەترگە جەتەدى.

قوستاناي، شىعىس قازاقستان، اقمولا، اقتوبە وبلىستارىنىڭ كەي جەرلەرىندە تۇمان ءتۇسىپ، كوكتايعاق بولىپ، بۇرقاسىن سوعادى. جەلدىڭ جىلدامدىعى سەكۋندىنا 15-20 مەترگە جەتەدى، قوستاناي وبلىسىندا ەكپىنى 23-28 م/س.

پاۆلودار، قاراعاندى وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى، جەل سەكۋندىنا 15-20 مەترگە دەيىن كۇشەيەدى.

اتىراۋ، باتىس قازاقستان وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى، تۇندە جەل سەكۋندىنا 15-20 مەترگە دەيىن كۇشەيەدى.

جامبىل، تۇركىستان، قىزىلوردا وبلىستارىنىڭ كەي جەرلەرىندە تۇمان ءتۇسىپ، كۇندىز جەل 15-20 م/س جىلدامدىقپەن ەسەدى.

الماتى، تۇندە ماڭعىستاۋ وبلىستارىنىڭ كەي جەرلەرىندە تۇمان بولادى.