ۇيدە وتىرىپ ءتيىمدى جۇمىس ىستەۋدىڭ قاراپايىم 5 ءادىسى
بۇل جۇمىس تيىمدىلىگىن ارتتىرۋعا كومەكتەسەتىن تاماشا مۇمكىندىك بولىپ كورىنگەنىمەن، ۇيدەن شىقپاي جۇمىس ىستەۋدىڭ ءوز ارتىقشىلىقتارى مەن كەمشىلىكتەرى بار ەكەنىن ءبىلىپ جۇرگەنىڭىز ءجون. جۇمىستى كەڭسەدە ىستەپ ۇيرەنگەن قىزمەتكەر ءۇشىن باستاپقىدا ءوز ۇيىندە جۇمىس ورنىن قالىپتاستىرۋ قيىندىق تۋعىزۋى مۇمكىن. ەگەر ۇيدە وتىرىپ، ءتيىمدى جۇمىس ىستەۋدىڭ قۇپياسىن بىلگىڭىز كەلسە، كەلەسى كەڭەستەردى ءبىلىپ ءجۇرىڭىز. ماماندار پىكىرى 2005-2012 -جىلدارداعى دەرەكتەرگە سۇيەنسەك، وفيستەن تىس، ۇيدە وتىرىپ جۇمىس ىستەيتىن امەريكالىقتاردىڭ سانى 80 پايىزعا دەيىن وسكەنىن بايقايمىز. «Driven to Distraction at Work» كىتابىنىڭ اۆتورى نەد ءحەللوۋەللدىڭ سوزىنشە، ۇيدەن شىقپاي جۇمىس ىستەۋ ەڭ الدىمەن قىزمەتكەرلەرگە ەركىن گرافيك جانە ءوز قالاۋىڭمەن جۇمىس ىستەۋگە مۇمكىندىك بەرەدى. ءبىراق ءبىر قىزىعى، ۇيدە وتىرىپ ىستەلىنگەن جۇمىستىڭ ساپاسى بىرتە- بىرتە جوعارىلايدى ەكەن. ستەنفورد ۋنيۆەرسيتەتىنىڭ عالىمدارى جۇرگىزگەن زەرتتەۋ جۇمىسىنىڭ ناتيجەسىندە ۇيدە وتىرىپ جۇمىس ىستەيتىن قىزمەتكەرلەردىڭ جۇمىس تيىمدىلىگى 13 پايىزعا جوعارى ەكەن. «The Progress Principle « كىتابىنىڭ اۆتورى ستيۆەن كرامەردىڭ پىكىرىنشە، ەڭ باستىسى قىزمەتكەر ناتيجەلى، ءتيىمدى قىزمەت اتقاراتىنىن ءتۇسىنۋى كەرەك. تومەندەگى كەڭەستەر ءسىزدىڭ ۇيدەن شىقپاي- اق جاقسى جۇمىس ىستەۋىڭىزگە كومەكتەسەدى دەگەن ۇمىتتەمىز.
جۇمىس كەستەسىن قۇرىڭىز وفيستە قانداي كەستەمەن جۇمىس ىستەسەڭىز، ۇيدە دە ءدال سونداي تارتىپپەن جۇمىس ىستەۋگە تىرىسىڭىز. جۇمىستى تىم كەش باستاماڭىز، جۇمىسقا كيەتىن كيىمىڭىزدى كيىڭىز، كومپيۋتەردى قوسىڭىز. جۇمىسىڭىزعا كەدەرگى جاسايتىن باسقا دۇنيەلەرگە كوڭىل بولمەۋگە تىرىسىڭىز. «ناقتى جۇمىس كەستەسىن قۇرىڭىز جانە ونى ۇستانىڭىز» دەيدى حەللوۋەلل كرامەر. مىندەتتى تۇردە تىنىعىپ الۋعا ۋاقىت ءبولىڭىز. ناقتى شەكتەۋلەر قويىڭىز ادام جۇمىستى ۇيدەن ىستەگەندە، تىم ەركىنسىپ، جۇمىسىن جەكە ومىرمەن بايلانىستىرىپ قويۋى مۇمكىن. حەللوۋەللدىڭ سوزىنشە، وزىڭە ناقتى شەكتەۋلەر قويساڭ، ءوزىڭدى ءاردايىم جۇمىستا جۇرگەندەي سەزىنەتىن بولاسىڭ. سوندىقتان ءومىردى ەكى كەزەڭگە بولگەن دۇرىس. ۇيدە ءتيىمدى جۇمىس ىستەۋ ءۇشىن ەشكىم مازالامايتىنداي قولايلى جاعداي، بولەك بولمە بولۋى ءتيىس. سونداي- اق دوستارىڭىز بەن جاقىندارىڭىز دا ءسىز ۇيدە بولعانىڭىزبەن ءسىزدى مازالاۋعا بولمايتىنىن تۇسىنۋلەرى كەرەك. كەستە قۇرعاندا، تەك جۇمىسقا ەمەس، وتباسىڭىزعا دا ۋاقىت ءبولىڭىز.
ءجيى تىنىعىپ تۇرىڭىز سوڭعى دەمىڭىز تاۋسىلعانشا جۇمىس ىستەگىڭىز كەلسە دە، اعزاڭىزدىڭ، ميىڭىزدىڭ ءجيى تىنىعىپ تۇرۋى كەرەك ەكەنىن ەستەن شىعارماڭىز. زەرتتەۋشى كومپانيالاردىڭ دەرەگىنشە، ەڭ ءتيىمدى قىزمەتكەرلەر ورتاشا ەسەپپەن العاندا 52 مينۋت جۇمىس ىستەپ، 17 مينۋت دەمالادى ەكەن. «مي مىندەتتى تۇردە تىنىعۋى كەرەك. قالاي دەمالعىڭىز كەلسە دە، ءبارى ءوز ەركىڭىزدە. جاتتىعۋ جاساڭىز، دالاعا شىعىپ سەرۋەندەڭىز» ، - دەيدى حەللوۋەلل. ارىپتەستەرىڭىزبەن بايلانىسىپ تۇرىڭىز جالعىز ءوزىڭىز جۇمىس ىستەسەڭىز، جۇمىسقا دەگەن قىزۋعىشىلىعىڭىز تومەندەيدى. ەگەر ءسىزدىڭ جۇمىسىڭىز قوعامدىق قاتىناستارمەن تىكەلەي بايلانىستى بولسا، ارىپتەستەرىڭىزبەن ءجيى كەزدەسىپ تۇرىڭىز. الىستا تۇراتىن ادامدارمەن بايلانىسۋ ءۇشىن LinkedIn سەكىلدى الەۋمەتتىك جەلىلەردى پايدالانىڭىز. ارىپتەستەرىڭىزگە ءبىر جۇمىس كۇنىندە قانداي جۇمىس اتقارعانىڭىز تۋرالى ەسەپ بەرىپ تۇرىڭىز.
جەڭىسىڭىزدى تويلاڭىز ادام جالعىز ءوزى جۇمىس ىستەگەندە، قاجەتسىز دۇنيەلەرگە تىم كوپ ۋاقىت ءبولۋى مۇمكىن. وسىنداي كەزدە، جۇمىستان اۋىتقىماۋ ءۇشىن ءوزىڭىزدىڭ جەتكەن جەتىستىكتەرىڭىزدى ەسكە الىپ، ءوز- ءوزىڭىزدى ماقتاڭىز. كۇن سايىن ءوز جەتىستىكتەرىڭىزدى ەسكە الىپ تۇرساڭىز، العا جىلجي الاسىز.
نەگىزگى قاعيدالار نە ىستەۋ كەرەك: كەستە قۇرىپ، كەستە بويىنشا جۇمىس ىستەۋ جەتكەن جەتىستىكتەرىڭدى ەسكە الىپ وتىرۋ جۇمىس ىستەيتىن ورىن تاۋىپ، جاقىندارىڭا جۇمىس كەزىندە بوس ەمەس ەكەنىڭدى ءتۇسىندىرۋ نەنى ىستەمەگەن ءجون؟ دەمالىسسىز جۇمىس — تيىمدىلىگىڭىزدى تومەندەتەدى قوعاممەن بايلانىستى ۇزبەگەن ءجون ارىپتەستەرىڭىز بەن باستىعىڭىزعا ەسەپ بەرۋدى ۇمىتپاعان ءجون دايىندىق پەن بەيىمدىلىك لوس- اندجەلەستە تۇراتىن جازۋشى حيزەر شوپەر بەلگىلى ءبىر كورپوراتسيانىڭ ساتۋ بولىمىندە 10 جىل بويى جۇمىس ىستەپ، كەيىننەن ءوز ەركىنەن تىس فريلانسەر رەتىندە جۇمىس ىستەۋگە ءماجبۇر بولعان. قازىر ول وتباسىعا ارنالعان باسىلىمداردان باستاپ كوسموس جايلى اقپارات بەرەتىن سايتتارعا ماقالا جازادى. جۇمىس تيىمدىلىگىن ارتتىرۋ ءۇشىن حيزەر ءار جەكسەنبى سايىن الدىڭعى اپتاعا جوسپار قۇرادى، كەيىن وزگەرىستەر بولسا، ونى دا كەستەسىنە ەنگىزەدى. سونداي- اق حيزەر 45 مينۋت سايىن وزىنە ۇزىلىستەر جاريالايدى. 5-10 مينۋتتا تىنىعىپ، قايتادان جۇمىسقا كىرىسەدى. تەك حيزەر جۇمىستى جالعىز ءوزى ىستەيتىندىكتەن، ادامدارمەن سويلەسىپ، تىلدەسۋدىڭ اۋاداي قاجەت ەكەندىگىن مويىندايدى. سونداي- اق ول LinkedIn ارقىلى وزگە جازۋشىلارمەن بايلانىسىپ تۇرادى ەكەن. جۇمىس پەن جەكە ءومىر اراسىنداعى شەكتەۋلەر وسى جىلدىڭ باسىندا كەترين كەمپبەلل سولتۇستىك كارولينا شتاتىندا، ەشۆيللدە وفيس اشتى. كەترين ۇيدە وتىرىپ جۇمىس ىستەۋدى ۇيرەنگەن. كەزىندە كوپيرايتينگ مەكەمەسىندە ۇيدەن ماركەتينگ ديرەكتورى رەتىندە جۇمىس ىستەگەن. كەترين ءوزىنىڭ جەكە ءومىرىن جۇمىسپەن ارالاستىرماۋ ءۇشىن باسىنان باستاپ ءوز ومىرىنە ارنايى شەكتەۋلەر قويعان ەكەن. ول سكايپپەن وتە سيرەك سويلەسەدى، ءاردايىم پوشتانى تەكسەرە بەرمەۋى ءۇشىن تەلەفونىنان پوشتا قوسىمشاسىن ءوشىرىپ تاستاعان. سونداي- اق كەترين كۇنىگە كەشكى ساعات بەستە دوستارىمەن كەزدەسۋگە، بالاسىن مەكتەپتەن الىپ كەلۋگە، سەرۋەندەۋگە شىعادى.
www.7kun.kz
