الماتىدان تارازعا 5 مىڭ تەڭگەگە ۇشاقپەن بارۋعا بولادى
اتالعان كومپانيانىڭ ينستاگرامدا جاريالانعان اقپاراتىنا سايكەس، ۇشۋ ۇزاقتىعى 1 ساعاتتى قۇرايتىن تاراز بەن الماتى اراسىنداعى رەيسكە بيلەتتى نەبارى 5 مىڭ تەڭگەگە ساتىپ الۋعا بولادى.
«جاقىندارىڭىزعا ەندى ءار اپتا سايىن ۇشۋعا بولادى. ءبىر جاقتى بيلەت قۇنى نەبارى 4999 تەڭگەدەن باستالادى»، - دەلىنگەن تاراتىلعان اقپاراتتا.
سونىمەن قاتار ورال مەن الماتى باعىتىنداعى رەيسكە بيلەت قۇنى نەبارى 12999 تەڭگەدەن باستالاتىندىعىن حابارلاندى.
ءدال قازىر بيلەتتەردى flyarystan.com سايتىندا ارزانىراق ساتىپ الۋعا بولادى.
بۇعان دەيىن مامىر ايىننان باستاپ جولاۋشىلارعا قىزمەت كورسەتە باستايتىن قازاقستاننىڭ العاشقى لوۋكوستەرى «Fly Arystan» كومپانياسى بيلەت باعاسىنىڭ تومەن بولۋىنا بىرنەشە فاكتور سەبەپ ەكەندىگىن ءمالىم ەتكەن بولاتىن.
«ۇنەمدىلىك بىرنەشە فاكتورعا بايلانىستى. لوۋكوستەرلەر جانارمايدى ۇنەمدى تۇردە جۇمسايتىن جاڭا ۇشاقتاردى پايدالانۋدى ارتىق كورەدى. بيزنەس كلاسستىڭ بولماۋى وتىراتىن ورىندىقتاردىڭ سانىن ارتتىرادى. ۇشاقتىڭ ءبىر ءتۇرىن پايدالانۋى، الەمدىك قاۋىپسىزدىك ستاندارتتارىنا ساي بولۋ ءۇشىن تەحنيكالىق قىزمەت كورسەتۋى جانە ەكيپاج وقۋى ءبىر باعدارلاما بويىنشا وتەدى. بيلەتتەردى نەعۇرلىم ەرتە ساتىپ الساڭىز باعاسى سوعۇرلىم ارزانعا تۇسەتىن بولادى»، - دەپ اتاپ وتەدى كومپانيا وكىلدەرى.
Fly Arystan كومپانياسى ۇشاقتارىندا جولاۋشىلار وزدەرىمەن 5 كەلىگە دەيىن عانا جۇكتى تەگىن الىپ جۇرە الادى. ەگەر قول جۇگىڭىزدىڭ سالماعى 10 كەلىگە جەتە قابىل بولسا وندا ۇشۋ ۇزاقتىعىنا بايلانىستى 2500-3000 تەڭگە تولەۋىڭىزگە تۋرا كەلەدى. ال قول جۇگىڭىزدەن بولەك زاتىڭىزدىڭ سالماعى 15 كەلى بولسا 3500 تەڭگە، 20 كەلىگە 4000 تەڭگە، 60 كەلىگە 12 مىڭ تەڭگە تولەيسىز. ۇشۋ ۋاقىتىڭىز 2,5 ساعاتتان اسىپ كەتسە، وندا اتالعان سالماقتاعى جۇگىڭىزگە تولەيتىن 1 مىڭ تەڭگەگە قىمباتقا تۇسەدى.
ۇشاقپەن ءۇي جانۋالارلارىن الىپ جۇرۋىڭىزگە دە بولادى. جانۋاردى بورتقا الىپ كىرسەڭىز ۇشۋ ۋاقىتىنا بايلانىستى 6000-8000 تەڭگە، جۇك بولىمىمەن الىپ جۇرسەڭىز 20000-26000 مىڭ تەڭگە شىعىندايسىز. سپورتتىق كەرەك-جاراق الىپ ءجۇرۋ ءۇشىن دە 5-7 مىڭ تەڭگە مولشەرىندە اقشا تولەيسىز. ۇشاقتا ورىن تاڭداۋ دا اقىلى. ءوزىڭىز قالاعان ورىنعا وتىرۋ ءۇشىن 1500-7000 مىڭ تەڭگە ارالىعىندا قاراجات جۇمساۋىڭىزعا تۋرا كەلەدى.
