ەلىمىزدە تىلدەردى دامىتۋدىڭ 5 جىلدىق جوسپارى ازىرلەنبەك
بۇل تۋرالى بۇگىن ۇكىمەت وتىرىسىندا پرەمەر- مينيستر باقىتجان ساعىنتايەۆ ايتتى، دەپ حابارلايدى قازاقپارات ءتىلشىسى.
«مەملەكەتتىك ءتىلدى دامىتۋ جوسپارلانعان شارالار اياسىندا جۇزەگە اسىرىلىپ جاتىر. جالپى بۇل باعدارلامانىڭ ءىس- شارالار جوسپارى اياقتالۋعا جاقىن. سوندىقتان مادەنيەت جانە سپورت مينيسترلىگىنە مۇددەلى مەملەكەتتىك ورگاندارمەن بىرلەسىپ، تىلدەردى دامىتۋ بويىنشا 2020-2024 -جىلدارعا ارنالعان مەملەكەتتىك باعدارلاما جوباسىن ازىرلەۋ ماسەلەسىن پىسىقتاۋدى تاپسىرامىن»، - دەدى پرەمەر- مينيستر.
سونىمەن قاتار، ۇكىمەت باسشىسى قازتەست جۇيەسىن دامىتۋ جونىندەگى باسقارمانى ەلىمىزدىڭ مادەنيەت جانە سپورت مينيسترلىگىنە بەرۋگە ق ر ءبىلىم جانە عىلىم ءميينسترى ەرلان ساعاديەۆتىڭ قارسى ەمەستىگىن اتاپ ءوتتى.
«ونى وزدەرىڭىز ەكى مينيسترلىكتىڭ اراسىنداعى كەلىسىم بويىنشا شەشە جاتارسىزدار»، - دەدى باقىتجان ساعىنتايەۆ.
اۆتور: مارلان جيەمباي