ينتەرنەتتىڭ ادامدى جالعىز سەزىندىرۋىنىڭ 5 سەبەبى

 استانا.قازاقپارات - سوڭعى جىلدارى الەمنىڭ كەز كەلگەن نۇكتەسىندەگى اداممەن بايلانىسۋ مۇمكىندىگى ارتىپ كەلەدى. ينتەرنەت چاتقا جازۋعا، توپپەن ارالاسۋعا، كىمگە بولسا دا حات جازۋعا مۇمكىندىك بەرەدى.

 ءموبيلدى تەلەفونداردىڭ شىعۋى ادامداردىڭ ۇيدە ەمەس كەزدە دە سويلەسۋىن قامتاماسىز ەتتى. سويلەسۋ، ارالاسۋ جىلدام ءارى وڭاي بولا ءتۇستى. ءبىراق زەرتتەۋ ناتيجەلەرى بويىنشا، شامامەن ادامداردىڭ تەڭ جارتىسى وزدەرىن جالعىز سەزىنىپ، وزىنە قوعامنان الشاق ءومىر ءسۇرىپ جاتىرعانداي كورىنەدى ەكەن. ادامداردىڭ ءوزىن وسىلاي سەزىنۋىنىڭ سەبەبى نەدە؟

 1. جەڭىل- جەلپى قاتىناس ناقتى جاعدايلار مەن ماسەلەنى تالقىلاۋسىز دوستىق نەمەسە رومانتيكالىق قاتىناس قۇرۋ مۇمكىن ەمەس. الايدا، الەۋمەتتىك جەلىلەردە ءبارى باسقاشا. بۇل جەردە شىندىقتى جاسىرىپ، ءومىرىڭىزدى جاعىمدى ەتىپ كورسەتۋ قالىپتى بولىپ سانالادى. ادام ورىن الىپ جاتقان نارسەنىڭ ورنىنا تەك جەتىستىكتەرىمەن، دەمالىسىمەن جانە تاماعىمەن بولىسەدى. ادەمى ەتىپ كورسەتۋ قاجەتتىلىگى قاتىناستى جەڭىل- جەلپى ەتە تۇسەدى. ماڭىزدى سۇراقتى تالقىلاماي، ۆيرتۋالدى دوستاردىڭ ورتاسىندا ءوزىڭىزدى جالعىز سەزىنۋ وڭاي.

 2. ەكران الدىندا ۇزاق وتىرۋ باسقانىڭ سەزىمىن تۇسىنۋگە كەدەرگى كەلتىرەدى بالاعا قاتىستى بۇل سۇراق باياعىدا زەرتتەلىپ، دالەلدەنىپ قويعان. ادام ءسابي كەزىنەن باستاپ- اق، باسقا ادامنىڭ بەتىنە قاراپ، ونىڭ سەزىمىن كورە الادى. ال گادجەتتە كوپ وتىراتىن بالالار بۇل قابىلەتىن جوعالتا باستايدى. زەرتتەۋ بويىنشا، بالالار گادجەتتەن 5 كۇن دەمالعاننان كەيىن بۇل قابىلەتتى قايتادان ۇيرەنە باستاعان. بۇل جاعداي ەرەسەكتەردە دە ورىن الادى ەكەن. سەبەبى، سمايليكتەرمەن سويلەسۋ شىنايى ومىردەگىگە قاراعاندا وڭايىراق. ءبىز ادامنىڭ بەتىنە قاراپ وتىرىپ، ونىڭ ءىس- قيمىلىن بايقاپ، ول تۋرالى كوپ نارسە ايتا الامىز. ءبىراق، ەگەر ادام ءاردايىم ەكران الدىندا وتىرسا، بۇل قابىلەتتى جوعالتا باستايدى.

 3. سانى ەمەس، ساپاسى ماڭىزدى ادامنىڭ قانشالىقتى ۆيرتۋالدى دوسى كوپ بولسا، ول سونشالىقتى ءجيى كۇيزەلىستە بولاتىندىعى دالەلدەنگەن. سوندىقتان 500 ۆيرتۋالدى دوسىڭىز بولعانشا، شىن 5 دوسىڭىز بولسا، ول ءسىزدىڭ پسيحولوگيالىق دەنساۋلىعىڭىزعا دا جاقسى.

 4. سمارتفون شىنايى قاتىناسقا كەدەرگى كەلتىرەدى ءقازىر كافەدە نەمەسە اسحانادا ءبىر- بىرىمەن سويلەسىپ وتىرعاندار ازايىپ، سمارتفون ەكرانىنا ءۇڭىلىپ وتىرعاندار كوبەيۋدە. مىسالى، ىنىڭىزبەن سويلەسىپ وتىرساڭىز، ول اڭگىمەنى ءۇزىپ، تەلەفونداعى حاتقا جاۋاپ بەرىپ وتىرادى. كەي ادامدار دوسىنىڭ اڭگىمەسىن تىڭداپ وتىرعانداي كۇي كورسەتىپ، ءوزى الەۋمەتتىك جەلىدەگى ادامنىڭ سۋرەتتەرىن قاراپ وتىرادى. مۇنىڭ بارلىعى قاتىناسقا كەرى اسەرىن بەرەدى.

ادامدار كۇنىنە 20-75 رەت حابارلامانى تەكسەرەدى ەكەن. ادامنىڭ جاسى كىشى بولعان سايىن حابارلامانى كوبىرەك تەكسەرەدى. ولارعا جىلدام لەنتانى ءبىر تەكسەرىپ، قاسىندا وتىرعان ادامنان گورى باسقالاردىڭ نەمەن شۇعىلدانىپ جاتىرعانىن بىلگەن قىزىق.

 5. قاشىقتىقتان جۇمىس ىستەۋ جاعدايدى ناشارلاتادى ينتەرنەت ادامدارعا ۇيدەن جۇمىس ىستەۋگە مۇمكىندىك بەرەدى. ونىڭ ءبىر جاعىنان، جاقسى بولعانىمەن، باسقا جاعىنان قاراساق، ول باسقا ادامدارمەن سويلەسۋىن، ارالاسۋىن ازايتادى. سول سەبەپتى ادام ءوزىن كوپ جاعدايدا جالعىز سەزىنەدى.

Massaget.kz