بويجەتكەن سيرەك كەزدەسەتىن اۋرۋىنا بايلانىستى 5 جىلداي ۋاقىت تاماقتانبادى
بەككەر سوزىلمالى يديوپاتيالىق ىشەك وبسترۋكتسياسىنان زارداپ شەگەدى. تۋعان كەزىندە تۋىنداعان اسقىنۋلاردىڭ سالدارىنان ونىڭ اس قورىتۋ جۇيەسىنىڭ بارلىق فۋنكسيالارى تولىعىمەن بۇزىلعان. بويجەتكەن 21 جاسىندا ىشكە سۇيىقتىق قۇيۋدىڭ كومەگىمەن عانا تاماقتانادى. وسىعان بايلانىستى، گوللانديالىق قىز وزىمەن بىرگە ءناجىس قابىلداعىش كوتەرىپ، مۇرنىندا سالبىراپ تۇراتىن ءوتتى تازالاۋعا ارنالعان ترۋبكامەن جۇرۋگە ءماجبۇر.
بويجەتكەن كاتەتەرگە ينفەكتسيا ءتۇسىپ، اسقىنۋىنا بايلانىستى بىرنەشە رەت ءولىم اۋزىنان قالعانىن ايتتى.
«قاراشا ايىندا مەن ءولىم اۋزىندا جاتتىم. جۇرەگىمنەن ءۇش سانتيمەتر بولاتىن جەردە تۇرعان كاتەتەرىمە ينفەكتسيا تۇسكەن. سول كەزدە مەنىڭ جاعدايىمدى كورگەن اتا- انام ءتىپتى مەنىمەن قوشتاسا باستادى» ، - دەيدى بويجەتكەن.
دەگەنمەن، بەكەرس مۇمكىندىگىنشە تولىققاندى ءومىر سۇرۋگە تىرىسادى. ول نەشە ءتۇرلى تاعامداردى جەي المايتىنىنا مۇلدە مويىمايدى. ءبىراق، دوستارىمەن جانە وتباسىمەن تۇسكى اس ءىشىپ، داستارحان ۇستىندە اڭگىمەلەسە المايتىنىنا قىنجىلادى. وكىنىشكە وراي، بەكەرس دەنساۋلىعىنا بايلانىستى جۇمىس ىستەي المايدى، ءبىراق ءوزىنىڭ اۋرۋىنا قاتىستى بولاتىن دارىستەرگە بارىپ، ۇيىنە جاقىن جەردەگى سپورت كلۋبىنا كومەكتەسەدى.
سونىمەن قاتار، بەككەر جاقىندا ليفكا ەسىمدى تەراپيەۆتىك يت اسىراپ الدى جانە قازىر اتا- اناسىنان بولەك تۇرادى. ول يت قىزدىڭ جاعدايى ناشارلاعاندا دابىل قاعادى، سونداي ول بويجەتكەنگە ءۇي شارۋاسىنا كومەكتەسەدى.
Stan.kz