قازاقستاندا 5 گيگابايتتىق ينتەرنەت جەلىسى قاشان سىناقتان وتەدى؟
ابايەۆتىڭ حابارلاۋىنشا، 5G ءموبيلدى بايلانىسىنىڭ پيلوتتىق نۇسقاسىن 2019 -جىلدىڭ ەكىنشى توقسانىندا ىسكە قوسۋ جوسپارلانعان.
«كەلەسى جىلى شارم- ءال- شەيحتە حالىقارالىق ەلەكتربايلانىس وداعى 5G بۇكىل الەمگە ەنگىزىلۋى ءۇشىن جاڭا ۇلگىلەر قابىلدايدى. ءبىز حالىقارالىق ەلەكتربايلانىس وداعىمەن بۇل جۇمىستى اياقتاعاننان كەيىن ستاندارتتار انىقتالاتىن بولادى. (...) بارلىق ءوندىرۋشى مەن ءىرى كومپانيا قابىلداناتىن ستاندارت بويىنشا ءوزىنىڭ قۇرالدارىن 5G فورماتىنا كەلتىرىپ جاسايدى. ول ۇيالى تەلەفوننان باستالىپ، بارلىق ينتەرنەت قۇرالىناقاتىستى. سول سەبەپتەن بۇل جۇمىستاردان كەش قالماۋ ءۇشىن قازاقستاندا سىناما نۇسقا جۇرگىزۋ كەرەك»، - دەدى جۋرناليستەرگە داۋرەن ابايەۆ ۇكىمەت وتىرىسىنان كەيىن.
سونىمەن قاتار، ول پيلوتتىق نۇسقانىڭ قاي وڭىرلەردە ورناتىلاتىنى تۋرالى ايتتى.
«پيلوتتىق نۇسقا الماتى، استانا، الماتى جانە اقمولا وبلىسىندا بولادى دەپ شەشتىك. ول 2019 -جىلدىڭ ەكىنشى جارتىسىندا ىسكە اسادى دەپ جوسپارلاندى»، - دەدى مينيستر.
«قورعانىس مينيسترلىگى وكىلدەرىمەن كەلىسكەن جيىلىك 5G-دى سىناقتان وكىزۋ ءۇشىن تەك ءبىر بايلانىس وپەراتورىنا جەتەدى. ياعني جاقىن ۋاقىتتا مينيسترلىكتەگىلەر 5G ءموبيلدى بايلانىس تەحنولوگياسىن قاي بايلانىس وپەراتورى سىناقتان وتكىزەتىنىن انىقتاۋعا تۋرا كەلەدى»، - دەدى اقپارات جانە كوممۋنيكتسيا ءمينيسترى وتىرىس بارىسىندا.
5G - موبيلدى بايلانىستىڭ بەسىنشى بۋىنى. ونى جارىققا شىعارۋ ءۇشىن ءالى ستاندارتتار جاسالماعان. الەمنىڭ تۇكپىر- تۇكپىرىندەگى بايلانىس وپەراتورلارى 5G- دىڭ بولەك ەلەمەنتىن سىناقتان وتكىزىپ جاتىر.
سونىمەن قاتار، زەرتحانالىق سىناقتار دا ءجۇرىپ جاتىر. 5G تەحنولوگياسى 4G-گە قاراعاندا جىلدام وتكىزگىشپەن قامتاماسىز ەدى. بۇل كەڭجولاقتى موبيلدى بايلانىستىڭ قولجەتىمدىلىگىن ارتتىرۋعا مۇمكىندىك بەرەدى، سونداي-اق، قۇرالدار اراسىندا وتە سەنىمدى كەڭ اۋقىمدى بايلانىس جۇيەسىن، قىسقا كىدىرىس ۋاقىتى مەن سەكۋندىنا 1-2 گيگابايت ينتەرنەت جىلدامدىعى، 4G- گە قاراعاندا باتارەيا قۋاتىن از جۇمساۋعا مۇمكىندىك بەرەدى دەپ كۇتىلەدى.
