تانىمال ءانشى قاجىمۇرات شەشەنقۇل 5 جىلدان بەرى ءوزىنىڭ ءتىرى ەكەنىن دالەلدەي الماي ءجۇر
ال مەملەكەتتىك ورگانداردىڭ ەشبىرى اقپاراتتىڭ قاي جەرىنەن قاتە كەتكەنىن بىلمەيدى.
بۇل تۋرالى «الماتى» ارناسى حابارلايدى.
قاجىمۇرات شەشەنقۇلدىڭ ەسىمى ءولى ادامداردىڭ تىزىمىنە 2013-جىلى كىرىپ كەتكەن. ول بۇل تۋرالى 2 جىل بۇرىن كولىگىن راسىمدەگەلى جۇرگەن كەزدە ءبىر-اق ءبىلىپتى. قاتتى تاڭعالعان ول بىردەن ح ق ك و- عا بارىپ، قۇجاتىن قالپىنا كەلتىرۋىن سۇراعان.
«5 جىل بولدى. سول بەس جىلدان بەرى ءبىر جەرگە بارىپ تىركەلگىم كەلسە دە، مەديتسينا ورتالىعىنا بارىپ تىركەلەيىن دەسەم دە، ماعان ولىلەردىڭ قاتارىنداسىڭ دەيدى. كولىگىمدى ساتسام دا، ءبىر جۇمىس ورنىنا بارسام دا اتى-ءجونىم قىزىل سىزىقتا تۇرادى»، - دەيدى ءانشى قاجىمۇرات شەشەنقۇل.
قاجىمۇراتتىڭ سوزىنشە، ول ءبىر جىل بۇرىن عانا قازاقستان ازاماتتىعىن العان. الايدا بالالارىمەن بىرگە مەديتسينالىق ورتالىققا تىركەۋگە بارعاندا، دارىگەرلەر «ولگەن ادامعا قىزمەت كورسەتە المايتىندارىن» ايتقان.
ال دارىگەرلەردىڭ سوزىنشە، ادىلەت مينيسترلىگى قاجىمۇراتتىڭ 2013-جىلى 11- ماۋسىمدا «قايتىس بولعانىن» تىركەگەن.
«بولعان قاتەلىك ءبىزدىڭ دەڭگەيىمىزدە جاسالماعان. انىقتالعان جايتتى جوعارعى جاققا مالىمدەدىك. ول جەردە ماسەلەنى انىقتايدى. مەنىڭ ويىمشا پروبلەمانى ولار شەشۋى كەرەك، ويتكەنى ادام ءتىرى، ساۋ، قۇجاتى قولىندا. ونىڭ وتباسى، بالالارىن ەمحاناعا ءبىر كۇننىڭ ىشىندە تىركەدىك»، - دەيدى 15№ قالالىق ەمحانا م ك ك باس دارىگەرىنىڭ ورىنباسارى جاننا كۋجايەۆا.
ال ح ق ك و باسشىلارىنىڭ ايتۋىنشا، قازىرگى ۋاقىتتا قۇجات دۇرىستالىپ، قاجىمۇرات تىرىلەردىڭ قاتارىنا قوسىلعان.
«ءبىز ارقىلى تاپسىرادى، تەك تاپسىرادى. ءبىز مالىمەتتەردى العاننان كەيىن تەك كەلگەن، تاپسىرعان ادامداردىڭ عانا دەرەكتەرىن ەنگىزەمىز. ءبىراق ادام قاشان قايتىس بولدى، تۋىلدى، قاشان، نە ىستەدى دەگەن مالىمەتتەردى ەنگىزبەيمىز. بىزدە ونداي ارحيۆ تە، بازا دا جوق. ونى تەك ا ح ا ج عانا تەكسەرىپ بەرە الادى»، - دەدى الماتى قالاسى مەدەۋ اۋداندىق ح ق ك و قۇجات قابىلداۋ ءبولىمىنىڭ مامانى لاۋرا داۋىلباي.
وسىدان بەس جىل بۇرىن قاجىمۇراتتىڭ ءىنىسى كىسى قولىنان كوز جۇمعان ەكەن. ءانشى اقپاراتتىق ورتالىقتاعىلار ءوزىن ىنىسىمەن شاتاستىرۋى مۇمكىن دەپ بولجاپ وتىر.
ايتا كەتسەك، ءانشى «مۇڭ بار مەنىڭ كەۋدەمدە»، «قاراجورعا»، «بۇلدىرگەن قىز»، «سەنى عانا» سىندى كوپتەگەن انىمەن كورەرمەننىڭ جۇرەگىنە جول تاپقان.
