سينوپتيكتەردىڭ 5- شىلدە كۇنگى اۋا رايى بولجامى
سونداي-اق شاڭدى داۋىل تۇرىپ، جەلدىڭ كۇشەيۋى كۇتىلەدى. سولتۇستىكتە جانە ورتالىقتا تۇندە جانە تاڭەرتەڭ تۇمان بولجانادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.
اتاپ ايتقاندا، باتىس قازاقستان مەن تۇركىستان وبلىستارىندا، كۇندىز قىزىلوردا وبلىستارىنىڭ كەي جەرلەرىندە شاڭدى داۋىل تۇرىپ، جەل 15-20 م/س كۇشەيەدى. كۇندىز باتىس قازاقستان وبلىسىنىڭ كەي جەرلەرىندە داۋىل، بۇرشاق بولۋى مۇمكىن.
اقتوبە، قوستاناي، تۇندە جامبىل جانە شىعىس قازاقستان وبلىستارىنىڭ جەكەلەگەن اۋماقتارىندا 15-20 م/س ەكپىندە جەل سوعادى.
اقمولا، سولتۇستىك قازاقستان، قاراعاندى وبلىستارىنىڭ كەي جەرلەرىندە تۇندە جانە تاڭەرتەڭ تۇمان كۇتىلەدى.
كۇندىز ماڭعىستاۋ، اقتوبە وبلىستارىندا قاتتى ىستىق ساقتالادى،
تۇركىستان، قىزىلوردا، ماڭعىستاۋ، اتىراۋ، باتىس قازاقستان، اقتوبە، قوستاناي، قاراعاندى وبلىستارىنىڭ كەي جەرلەرىندە بۇگىن قاتتى ىستىق كۇتىلەدى.
سونىمەن قاتار باتىس قازاقستان، اتىراۋ، اقتوبە، قىزىلوردا، تۇركىستان، جامبىل، الماتى وبلىستارىندا وتە جوعارى ءورت قاۋپى ساقتالادى.
