ەشقاشان اۆتوگراف بەرمەيتىن 5 گولليۆۋد جۇلدىزى

 استانا. قازاقپارات - جوعارى تەحنولوگيالار عاسىرىنا اياق باسپاس بۇرىن ساحنا ونەرپازدارىنان اۆتوگراف الۋ ءسان بولاتىن. ەلدى تامساندىرعان جۇلدىزدى ءوز كوزىڭىزبەن كورگەنىڭىزدىڭ دالەلى دە سول شيماي.
None
None

قازىر ونى سەلفي الماستىرعان. دەسە دە، قولتاڭبانىڭ ءجونى بولەك. ءبىر قىزىعى، مۇحيتتىڭ ارعى بەتىندەگى امەريكالىق ارماننىڭ نەگىزگى سيمۆولى سانالاتىن گولليۆۋد جۇلدىزدارىنىڭ ىشىندە ونەرىنە تابىنۋشىلارعا قولتاڭبا بەرمەيتىندەرى دە بار بولىپ شىقتى. تىزىمگە كوز جۇگىرتىڭىز. سكارلەتت يوحانسسون اكتريساعا اۆتوگراف بەرۋ مۇلدە ۇنامايدى ەكەن. «قولتاڭبا الۋدىڭ ەش ءمانى جوقتاي كورىنەدى. ونىڭ قاسىندا سەلفي سۋرەتكە تۇسكەن دۇرىس دەپ ويلايمىن. ەڭ قۇرىعاندا ول الدەقايدا كوڭىلدى ۇدەرىس سەكىلدى» ، - دەيدى سكارلەتت.

 ميراندا كەرر الەمدەگى ەڭ باي سۋپەرمودەلدەردىڭ ءبىرى ميراندا كەرر دە وسى تىزىمنەن تابىلدى. وعان دا تەلەفونعا سۋرەتكە ءتۇسۋ جەڭىل ءارى قىزىقتى كورىنەدى ەكەن. ءتىپتى، تابىنۋشىلاردىڭ تەلەفونىن ءوز قولىنا الىپ، كەرەك راكۋرستا ساپالى فوتوگرافيا جاساپ بەرۋگە دە ەرىنبەيدى.

دجەك نيكولسون اكتەر مۇنداي شەشىمگە حوككەي ماتچىندا ورىن العان وقيعادان كەيىن كەلگەن. ول ستاديونداعى ورنىنا جايعاسىپ، ەندى ويىننىڭ قىزىعىنا باتا بەرگەندە، ءبىر توپ جاس كەزەك- كەزەك اۆتوگراف سۇراپ مازاسىن قاشىرعان كورىنەدى. بۇل نيكولسونعا ساباق بولدى.

كريس پراتت كريس پراتت ءوزى جەكە تانيتىن ادامدارعا عانا قولتاڭبا بەرەدى. ونەرىنىڭ شىنايى جانكۇيەرلەرىنىڭ باسىم بولىگىمەن تىعىز بايلانىس ورناتقان اكتەر كوشەدە جاقىنداعانداردىڭ ۇسىنىسىنان ۇنەمى باس تارتادى.

كامەرون دياس كامەروننىڭ اۆتوگراف بەرمەۋىنە ايتارلىقتاي سەبەپ جوق. بۇل جاعدايعا قاتىستى اكتريسا: «ماسەلە مەنىڭ تاكاپپارلىعىمدا ەمەس. كوشەدە ءبىر ادامعا اۆتوگراف بەرسەڭ، ونىڭ ارتىنان ۇلكەن كەزەك پايدا بولادى. مەن سودان قاشامىن» ، - دەيدى.

Massaget.kz

سوڭعى جاڭالىقتار