كۇنشىلدىكپەن كۇرەسۋدىڭ 5 ءادىسى

 استانا. قازاقپارات - كۇنشىلدىك قايدان تۋىندايدى؟ ءبىر ءتۇرلى ەستىلسە دە، ول «سياقتىدان» پايدا بولادى. مىسالى سىزگە بىرەۋدىڭ ءومىرى كەرەمەت سياقتى كورىنەدى.
None
None

 وعان ءبارى جەڭىلگە تۇسەدى دەپ ويلايسىز. الايدا ول شىنىمەن دە سولاي ما؟ بىرەۋدىڭ ومىرىندە نە بولىپ جاتقانىن ەشكىم بىلمەيدى. ءبىراق ءبىز ونىڭ ورنىندا بولىپ كورگەن جوقپىز، ءبىز ونى تەك سىرتتان كورە الامىز. وسىدان كۇنشىلدىك تۋىندايدى. كۇنشىلدىك بولعان جەردە، اۆتوماتتى تۇردە كۇيزەلىس جاعدايىنا تۇسەسىز. سوندىقتان كۇنشىلدىكپەن كۇرەسۋدىڭ 5 ءادىسىن ۇسىنامىز.

 1-ۇسىنىس. اي تۋرالى ۇمىتپاڭىز قازىرگى زاماندى الەۋمەتتىك جەلىدەگى ءومىردىڭ كەزەڭى دەسە دە بولادى. ارينە بارلىق ادام بىردەي ەمەس، ءبىراق كوپشىلىگىنىڭ الەۋمەتتىك جەلىدە ويلاستىرىلعان جانە ناقتى جوسپارلانعان ءومىرى بار. كەز كەلگەن ادام الەۋمەتتىك جەلىدەگى ادامنىڭ كەرەمەت ءومىرىن كورىپ، ەرىكسىز قىزىعا كەتەدى. ءسىز ءوزىڭىزدىڭ پروبلەمالارىڭىزدى ويلاپ باسىڭىز اۋىرىپ جۇرگەندە، ول ءار سۋرەتتە كۇلىمسىرەپ، جەتىستىكتەرىن سالىپ، باقىتتى ەكەنىن ايتىپ جاتادى. ءبىراق ول سىزگە تەك كورسەتكىسى كەلگەن نارسەنى عانا جاريالايدى. ول بيزنەسىن ساقتاپ قالۋ ءۇشىن تۇنىمەن ۇيىقتامايتىندىعىن، ۋاقىتتىڭ تىعىزدىعىنان وتباسىندا بولىپ جاتقان جاعىمسىزدىقتاردى نەمەسە باسقا دا پروبلەمالارىن كورسەتپەيتىندىگىن ەسكەرىڭىز. سوندىقتان سۋرەتكە قاراپ، بىرەۋدىڭ ومىرىنە قىزىعىپ، وزىڭىزدەگى كۇنشىلدىك سەزىمىنىڭ ويانۋىنا جول بەرمەڭىز. ەستە ساقتاڭىز، كەز كەلگەن ادام اي سەكىلدى - ءسىز ونىڭ باسقاعا كورسەتكىسى كەلەتىن جاعىن عانا كورەسىز. 2-ۇسىنىس. ءوز ءومىرىڭىزدى جوعالتپاڭىز. باسقا بىرەۋدىڭ ومىرىنە ۇڭىلە بەرىپ، زەيىن فوكۋسىڭىز ارالاسىپ، ءوز ومىرىڭىزگە ءمان بەرمەي كەتەسىز. سول ءۇشىن ەنەرگياڭىز، كۇشىڭىز جانە ىشكى قورىڭىز كەرەك جەرگە كەتپەيدى. سوندىقتان الەۋمەتتىك جەلىدەگى بىرەۋلەردىڭ دەمالىسىن قاراپ، كورە الماي وتىرا بەرگەننەن، ءوز ءومىرىڭىزدى قولىڭىزعا الىڭىز. ەگەر بىرەۋدىڭ جۇمىس مانسابىنا قىزىقساڭىز، ءوز ماماندىعىڭىز بويىنشا قوسىمشا كۋرس وقىڭىز نەمەسە سول سالاعا بايلانىستى كىتاپتار وقىڭىز. ەگەر بىرەۋدىڭ دەنە بىتىمىنە قىزىقساڭىز، سپورتپەن اينالىسۋدى، زالعا جاتتىعۋدى قولعا الىڭىز. ۋاقىتىڭىزدى شىنىمەن دە سىزگە قاجەت دۇنيەگە ءبولىڭىز.

3-ۇسىنىس. ءوزىڭىزدى كەشەگى سىزبەن سالىستىرىڭىز ءوز باستاماڭىزدى بىرەۋدىڭ ورتاسىمەن سالىستىرۋدىڭ قاجەتى جوق. ءوزىڭىزدىڭ جەتىستىكتەرىڭىزدى ويلاڭىز. مىسالى بىلتىر جالاقىڭىز x بولسا، بيىل ول 2x ءوستى. ول تەك قارجىلاي ەمەس، وعان ءبىلىمىڭىز، وي- ءورىسىڭىزدىڭ دامۋى سەكىلدى رۋحاني قۇندىلىقتاردى دا جاتقىزۋعا بولادى.

 4-ۇسىنىس. كۇنشىلدىكتى ءوز قورىڭىزعا اينالدىرىڭىز مىسالى بىرەۋدىڭ دەنە پىشىنىنە قىزىعىپ، ءتاتتى تورت جەپ، كوڭىل كۇيىڭىزدى ءتۇسىرىپ، وتىرا بەرۋدىڭ قاجەتى جوق. ونى كورە الماۋدىڭ ورنىنا، ونىمەن تەڭەسۋگە تىرىسىڭىز. ياعني، وسى كۇنشىلدىك سەزىمىن سىزگە قاجەت قورعا، موتيۆاتورعا اينالدىرىڭىز. تابىستى بولعىڭىز كەلسە، سونداي ادامداردىڭ ءومىرى، قىزمەت جولى تۋرالى وقىپ، كەرەگىن وزىڭىزگە الىپ، بىلىكتىلىكتى جوعارىلاتۋ كۋرستارىنا بارىڭىز. ءبىر ورىندا وتىرماڭىز، بارلىق جەردەن دامۋدىڭ مۇمكىندىگىن ىزدەڭىز.

 5-ۇسىنىس. ءوزىڭىزدىڭ مۇمكىندىگىڭىز بەن شەكتەۋىڭىزدى قابىل الىڭىز جوعارىدا ايتقانداي، ادام بىرەۋگە ءبارى جەڭىلگە سوقتى، جولى بولدى دەپ ويلاي باستاعاندا، كۇنشىلدىك پايدا بولادى. بىرەۋ باي وتباسىدا ومىرگە كەلسە، باسقاسى تۋعانىنان قانشا تاماق جەسە دە، ارتىق سالماق قوسپايدى. بىرەۋ بايعا كۇيەۋگە شىقسا، باسقاسىنا جۇمىسپەن جولى بولدى. بۇلاي ويلاۋ ارقىلى ءوزىڭىزدى قۇربانمىن دەپ ويلايسىز، وزىڭىزگە دەگەن كوپ اياۋشىلىق تۋىندايدى. «ونىڭ .. . جولى بولدى» دەپ ويلاعاندا، ءوزىڭىزدى ول ادامنان ءبىر ساتى تومەن قوياسىز. ونىڭ سىزدەن كۇشتى ەكەنىن مويىندايسىز. شىن مانىندە ول سولاي ما؟ جوق، ءار ادامنىڭ ءوز مۇمكىندىگى مەن شەكتەۋى بار. سوندىقتان ومىردە باردىڭ بارىنەن ماكسيمۋم پايدا الىپ، ءوز جولىڭىزبەن ءجۇرىپ، سودان ءلاززات الا ءبىلۋ قاجەت.

 

Massaget.kz

سوڭعى جاڭالىقتار