استانادا س ق و مادەنيەت كۇندەرىنىڭ گالا- كونسەرتىن 5 مىڭنان استام ادام تاماشالادى
«400-دەن استام ءارتىس استانا قالاسىنىڭ تۇرعىندارىمەن قوناقتارى ءۇشىن ونەر كورسەتتى. باعدارلاما س ق و- نىڭ ەڭ ۇزدىك ۇجىمدارىمەن جاسالدى. بارلىق ارتىستەر ءوز شىعارمالارىن ۇلكەن ىقىلاسپەن ورىنداپ شىقتى»، - دەپ اتاپ ءوتتى س ق و مادەنيەت، مۇراعات جانە قۇجاتتاما باسقارماسى باسشىسىنىڭ مىندەتىن اتقارۋشى ەرمەك راقىموۆ.
مۋزىكالىق كەش «تۋعان جەر» جانە «ادەمى- اۋ» اتتى تانىمال انسامبلدەردىڭ «بولاشاق ەنەرگياسى» حورەوگرافيالىق كومپوزيتسياسىنان باستالدى. وزدەرىنىڭ ەنەرگياسىمەن جانە قيمىل- قوزعالىستارىنىڭ جەڭىلدىگىمەن ۇجىمدار كورەرمەندەردە ۇلكەن اسەر قالدىردى. سونداي- اق كونسەرتكە سولتۇستىك قازاقستان وبلىسىنىڭ تۋمالارى، ق ر ەڭبەك سىڭىرگەن قايراتكەرلەرى ازامات جىلتىرگوزوۆ پەن داۋرەن علىموۆتار قاتىستى. ازامات جىلتىرگوزوۆ باقىت ىلياسوۆپەن، ەرمەك بىرىمجانوۆپەن جانە رۋسلان مۋستافينمەن بىرگە «سيەۆيلسكي سيريۋلنيك» شىعارماسىنان فيگارو كاۆاتيناسى كومپوزيتسياسىن ورىندادى. سوليستەردىڭ داۋىستارىنىڭ تەمبرى مەن دياپازونىن ەستىگەن كورەرمەندەر تۋىندىنى قايتا ورىنداۋدى سۇراپ، شاپالاق ۇردى.
جينالعان قاۋىم ءۇشىن ەرەكشە توسىنسىي قازاقستاننىڭ ەڭبەك سىڭىرگەن قايراتكەرى ءجاميللا سەركەبايەۆانىڭ ونەر كورسەتۋى بولدى. ول سولتۇستىك قازاقستان وبلىسىنىڭ تۋماسى، سوتسياليستىك ەڭبەك ەرى، ك س ر و حالىق ءارتىسى ەرمەك سەركەبايەۆتىڭ ەسىمىنە ارناپ ەنەرگيا مەن تولعانىسقا تولى «پوپپۋري» كومپوزيتسياسىن ورىندادى. جۇلدىزداردىڭ قاتارىندا حالىقارالىق جانە رەسپۋبليكالىق بايقاۋلاردىڭ لاۋرەاتتارى دا بولدى. كونسەرتكە سونىمەن قاتار سولتۇستىك قازاقستاننىڭ جاس ونەر يەسى ءامينا جاپار دا قاتىستى. ول 2017 -جىلى سوچيدە وتكەن «نوۆايا ۆولنا» حالىقارالىق بايقاۋىنىڭ بالالار فەستيۆالىندە ەلىمىز نامىسىن قورعاعان بولاتىن. دارىندى قىز ءوز داۋىسىمەن زالعا جينالعان كورەرمەننىڭ جۇرەگىن جاۋلاپ الدى. وعان دالەل - توقتاۋسىز سوعىلعان شاپالاقتار. ال «رينگو» مەن «ايۋمي» توپتارى جاستاردىڭ كورىگىن قىزدىردى. سوليست ءبىرجان ەسجانوۆ پەن مەرەكەلىك باعدارلاماعا قاتىسۋشىلاردىڭ «جەرىم مەنىڭ» كومپوزيتسياسىن ورىنداۋى گالا- كونسەرتتىڭ سوڭعى ءارى جارقىن ءنومىرى بولدى.
اۋدارما: ميرا تولەندى قىزى