پەدوفيلگە 5 جاسار قىزىن ساتۋمەن اينالىساتىندار جۇرتتى شوشىتتى
بۇل تۋرالى NUR. KZ پورتالى longroom.com سايتىنا سىلتەمە جاساپ حابارلايدى.
«بالالارىن اقشاعا ساتاتىن انالار» دەپ اتالاتىن جانتۇرشىگەرلىك دەرەكتى فيلم جاقىندا عانا جارىققا شىقتى. اتالمىش فيلمدى ءتۇسىرۋ ءۇشىن لوندوننىڭ تەلەجۋرناليستەرى ۇزاق جىلدار جاسىرىن تەرگەۋ جۇرگىزگەن.
ولار مايك ەسىمدى ازاماتقا پەدوفيلدىڭ ءرولىن سومداتتىرىپ، ءوز بالاسىن ساۋداعا سالاتىن انالاردى ۇستاپ وتىرىپتى.
جۋرناليستەرگە قىزىن ساتىپ جاتىپ ۇستالعان ەكى فيلليپپيندىك ايەلدىڭ بىرنەشە بالاسى بار بولىپ شىقتى. ولار، ءتىپتى بەس جاسار قىزىن پەدوفيلدىڭ كوڭىل كوتەرۋى ءۇشىن ساتىپ جىبەرۋگە ءازىر بولعان.
ۇلتتىق قاۋىپسىزدىك بويىنشا تەرگەۋ باسقارماسىنىڭ قىزمەتكەرلەرى ايەلدەردى قىلمىس ۇستىندە ۇستاعانىنا قاراماستان، بەزبۇيرەك انالار قىلمىستارىن مويىندار ەمەس. ولار بار كىنانى بالالارىنا جاۋىپ، ولاردى ۇياتتان بەزگەن دەپ اقتالماق بولعان.
مايكتىڭ ارىپتەسى ستەيسي كەي ايەلدەر بالالارىنا وزدەرى باستاپ زورلىق كورسەتەتىن جايتتار بولعانىن العا تارتتى. فيليپپيندىكتەر قىزدارىن ا ق ش پەن ۇلى بريتانيادان كەلگەن پەدوفيلدەرگە ساتۋعا اۋەس ەكەندىگى دە انىقتالعان.
