تۇركياداعى وقيعا: پوليتسيا 5 ادامدى تۇتقىندادى
بۇل تۋرالى Haberturk تەلەارناسى حابارلادى. وقيعاعا كۋا بولعانداردىڭ ايتۋىنشا، ميەۆليۋت التىنتاش فوتوكورمە ءوتىپ جاتقان عيماراتقا ىسكەرلىك كوستيۋممەن كىرىپ كەلگەن، ونى جۇرت ەلشىنىڭ ساقشىسى رەتىندە قابىلداعان.
رەسەي جاڭالىقتارى اگەنتتىگىنىڭ حابارلاۋىنشا، بۇعان دەيىن التىنتاشتىڭ اناسى مەن قارىنداسى ۇستالعاندىعى تۋرالى ايتىلدى. ەندى ولاردىڭ قاتارىنا ونىڭ اكەسى مەن تۇلعالارى اتالماعان تاعى ەكى ادام قوسىلدى.
تەلەارنانىڭ مالىمەتىنشە، سەيسەنبى كۇنى تاڭەرتەڭ التىنتاشتىڭ تۋىستارى جاۋاپ الۋ ءۇشىن انكاراعا جەتكىزىلەتىن بولادى. ءتىنتۋ بارىسىندا ونىڭ ۇيىنەن كومپيۋتەرلەر مەن ۇيالى تەلەفوندار تاركىلەندى. تۇركيانىڭ سىرتقى ىستەر ءمينيسترى سۋلەيمان سويلۋ ەلشىنى ولتىرگەن ادام پوليتسەي بولعانىن راستادى. رەسەيلىك ەلشىگە قارۋلى شابۋىل دۇيسەنبى كۇنى كەشكە انكارادا جاسالدى.
