اقتوبەدە 5 -ماۋسىمداعى لاڭكەستىك ءىسى بويىنشا سوت وتىرىسى باستالدى

استانا. قازاقپارات - اقتوبەدە 5 -ماۋسىمداعى تەراكتىگە بايلانىستى ءىس بويىنشا سوت وتىرىسى باستالدى.

ايىپتالۋشىلاردىڭ ورنىندا - 29 ادام. سوت وتىرىسى اقتوبە وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتتا ءوتىپ جاتىر. وعان سوت ءتوراعاسى نۇرلان سۇلتانوۆ ءتوراعالىق ەتۋدە. بۇل تۋرالى قازاقپاراتقا وبلىستىق سوتتىڭ باسپا ءسوز حاتشىسى يليادا دوسوۆا حابارلادى.

سوتتالۋشىلار ورنىندا - 29 ادام. ولاردىڭ توعىزىنا ءبىرقاتار ايىپ، سونىڭ ىشىندە تەرروريستىك اكتىگە قاتىسۋ ايىبى تاعىلدى. سونىمەن قاتار، 18 ادام قىلمىسقا دەگەن دايىندىق تۋرالى ايتپاعانى ءۇشىن، ال ەكەۋى قىلمىستى جاسىرعانى ءۇشىن سوتتالىپ جاتىر.

ەسكە سالا كەتەيىك، اعىمداعى جىلدىڭ 5 -ماۋسىمىندا اقتوبە قالاسىندا لاڭكەستىك ورىن الدى.

ءىس بويىنشا 215 ساراپتاما جۇرگىزىلدى. 101 ادام جاپا شەكتى. وقيعا ورنىندا تۇسىرىلگەن ۆيدەوجازبالاردان مالىمەتتەر بانكى قۇرىلدى.