اناسىن جوعالتىپ العان جىگىت ونى 5 جىلدان سوڭ مەككەدە كەزدەستىرگەن
ارادا بەس جىل ۋاقىت وتسە دە زارىعا ىزدەگەن اناسىمەن جولىعۋ ءناسىپ بولماعان ەدى.
اللانىڭ قالاۋىمەن قاجىلىق ساپارىندا ارمانى ورىندالىپ، ويلاماعان جەردە اناسىن كەزدەستىرەدى، دەپ حابارلايدى islam.kz.
حاماش مەككە قالاسىنا ساۋد كارولدىگىنىڭ پاتشاسى سالماننىڭ پالەستينالىق 1000 قاجىعا بولگەن ارنايى شاقىرتۋى بويىنشا ۇلى ساپارعا كەلگەن بولاتىن.
«ساۋد پاتشاسىنىڭ قايىرىمدىلىق باعدارلاماسى گازانىڭ توسقاۋىلىن كۇل تالقان ەتتى»، - دەپ حاماش تولقىعان سەزىمىن جاسىرا المادى.
سونداي-اق، اناسى باسقا بالالارىمەن ءار-رياد قالاسىندا تۇراتىنىن دا تىلگە تيەك ەتتى. كوزىنە ىركىلگەن جاستى ءسۇرتىپ، تولعانىسىن جاسىرا الماعان حاماش:
«قاسيەتتى جەرگە كەلىپ اق ءسۇتىن اياماعان انامدى جولىقتىرامىن، قايتا تاۋىپ الامىن دەگەن وي مۇلدەم باسىما كەلمەگەن ەدى»، - دەپ اللاعا ماقتاۋلار ايتىپ، شۇكىرلىكتەر كەلتىردى.
