ءومىردىڭ 5 ساباعى
مۇمكىندىكتەردى ىزدەمەگەن ادامعا ءساتتى مۇمكىندىكتەردىڭ ەسىك قاعۋى سيرەك كەزدەسەدى. «ۋنيۆەرسيتەتتە نە ءۇشىن وقىپ ءجۇرمىز؟ - مۇمكىندىكتەر ءۇشىن».
ءبىراق سول مۇمكىندىكتەردى ءوز دارەجەسىندە قولدانىپ ءجۇرمىز بە؟ اي، قايدام. قانداي دا ءبىر ۇسىنىس تۇسسە، قورقىپ، باس تارتۋعا دايىن تۇرامىز. قاتەلىكتەردىڭ ءبىز ءۇشىن ساباق بولاتىنىن ەسكەرىپ، مۇمكىندىكتى قولدان جىبەرىپ الماۋعا تىرىسىڭىز.
2- كوڭىلدىڭ تولماۋى - كوڭىل تولمايتىن جاعدايلارعا الىپ كەلەدى.
ەگەر ءبىر زاتتىڭ تەك جامان جاعىن ويلاساڭىز، مىندەتتى تۇردە سونى كورەسىز. ايتادى عوي، اعاشتان ءتۇسىپ جاتقان جاپىراقتى كورسەڭ دە قۋان دەپ. بارلىق جاعدايعا پوزيتيۆپەن قارامايتىن بولساڭىز، ومىرىڭىزدە كەزدەسكەن كەرەمەت جاقسىلىقتاردى دا اڭعارماي، تەك جامان جاعىن بايقاپ قالۋىڭىز مۇمكىن. سونىمەن قاتار، كوڭىلدىڭ تولماۋى جالعاسىن تابادى، دەر كەزىندە توقتاتپاسا. كوڭىلدى، قۋانىشتى، ريزا بولىپ جۇرگەنگە نە جەتسىن!
3- ءسىزدىڭ قازىرگى جاي- كۇيىڭىز بولاشاعىڭىزدى انىقتامايدى.
جەكە ءۇيىڭىزدىڭ بولماۋى نەمەسە كەڭ سارايداي ۇيدە تۇرۋىڭىز، باي نە كەدەي ەكەندىگىڭىز، ورتا بالدىڭ 4 نەمەسە تىم ناشار بولۋى، تاعى باسقالار ەشقانداي ماڭىزعا يە ەمەس. ەڭ باستىسى ءوز بويىڭىزداعى تالپىنىس، تالانت، قالاۋ. ەگەر بويىڭىزدان وسى قاسيەتتەر تابىلسا، ءسىز الا المايتىن قامال جوق. كەدەيدىڭ باي بولۋى، بايدىڭ كەدەي بولۋى تۋرالى كۇندە ەستىپ ءجۇرمىز ەمەس پە؟ ياعني، ءبارىن جاسايتىن تەك ءوزىمىز، قۇردىمعا كەتسەك تە، بيىك بەلەسكە جەتسەك تە.
4- ەگەر ءسىز باسقالارعا كومەك كورسەتپەسەڭىز، وزىڭىزگە دە كومەكتەسە المايسىز.
ەڭ قاراپايىم كومەك تۇرلەرى دە عاجايىپتار جاساي الادى. ءجاي عانا ەسىكتى بىرەۋ ءۇشىن اشىپ تۇرعاننان دا ءوزىڭىزدى كەرەمەت سەزىنە الاسىز. بىرەۋگە كومەگىڭ تيسە - ءوزىڭنىڭ دە كوڭىلىڭ كوتەرىلىپ قالادى ەمەس پە؟ سوڭىندا مىندەتتى تۇردە سىزگە دە بىرەۋدىڭ كومەگى تيەدى. ءومىر الما كەزەك. ۇنەمى ءوزىڭدى عانا ويلاپ، ەشكىمگە قول ۇشىڭدى بەرە الماساڭ، جاۋاپ تا سولاي بولادى.
5- حوببي- ەڭ جاقسى جۇمىس.
ءوزىڭ اينالىسىپ جاتقان ءىس تەك اقشا ءۇشىن ەمەس، ءوز قالاۋىڭدى قاناعاتتاندىرۋ ءۇشىن بولسا، ۇلكەن ناتيجە بەرەرى انىق. بۇنى جۇمىس دەپ ايتۋعا دا كەلمەس. جاساپ جاتقان ءىسىڭ وزىڭە ۇنايتىن بولسا، ونى دامىتۋدان راحات الاسىڭ. ەرتە مە كەش پە ول ءسىزدىڭ تابىس كوزىڭىزگە اينالا الادى. ال جاساپ جاتقان ءىس تەك اقشا ءۇشىن بولسا، قالاعانىڭىزعا جەتە المايسىز، سەبەبى، ول كەزدە تەك سانعا ءمان بەرىلىپ، ساپا جايىندا قالادى.
