الماتىدا لاڭكەستىككە قارسى وپەراتسيا كەزىندە 5 ادام قازا تاپتى - الماتى ءى ءى د
بۇل تۋرالى الماتىدا وتكىزىلگەن باسپا ءسوز بريفينگى بارىسىندا الماتى قالالىق تەرروريزمگە قارسى كۇرەس بويىنشا شۇعىل شتابىنىڭ رەسمي وكىلى سالتانات ازىربەك ءمالىم ەتتى.
ونىڭ ايتۋىنشا، كۇدىكتى ۇستالدى.
«قازا تاپقان بەس ادامنىڭ ۇشەۋى - پوليتسيا قىزمەتكەرلەرى. قالعاندارى - ازاماتتىق تۇلعالار. جەتى ادام جاراقات الدى. ولارعا دەر كەزىندە مەديتسينالىق كومەك كورسەتىلدى. كۇدىكتى - ءبىر ادام. ول 27 جاستاعى قىزىلوردا وبلىسىنىڭ تۇرعىنى. ۇستاۋ بارىسىندا ول قارسىلىق كورسەتتى. قارۋسىزداندىرۋ ارەكەتى بارىسىندا ول جاراقاتتاندى. قازىر قاماۋعا الىندى. سونىمەن قاتار، لاڭكەستىككە قارسى وپەراتسيا بارىسىندا قىلمىسكەردىڭ سىبايلاسى بولۋى مۇمكىن دەگەن كۇدىكپەن تاعى بىرنەشە ادام ىشكى ىستەر ورگاندارىنا جەتكىزىلدى. قازىر ولاردىڭ قىلمىسقا قاتىسى بارى-جوعى تەكسەرىلىپ جاتىر. بۇل اتالعان دەرەكتەر ق ر قىلمىستىق كودەكسىنىڭ 99-بابىنىڭ 2-تارماعى، 269-بابىنىڭ 2-تارماعى جانە 380-بابىنىڭ 2-تارماعى بويىنشا سوتقا دەيىنگى ءبىرىڭعاي تەرگەۋ تىزىلىمىنە ەنگىزىلدى»، - دەدى س. ازىربەك.
اۆتور: ايبوتا جاپپاربەرگەن
