مۇحتار تايجان ەلىمىزدەگى ءدىني راديكاليزمگە جول اشقان 5 سەبەپتى اتادى

استانا. قازاقپارات - تانىمال قوعام بەلسەندىسى مۇحتار تايجان قازاقستانداعى ءدىني راديكاليزمنىڭ ورشۋىنە جول بەرگەن باستى سەبەپتەردى اتادى.

بۇل تۋرالى ول Facebook پاراقشاسىندا جازعان.

ءدىني راديكاليزمنىڭ سەبەپتەرى:

1. ءبىلىم جۇيەسىندەگى 25 جىل بويعى ۇدەمەلى رەفورمالار.

2. پارا بەرۋ ەكونوميكاسى، سىبايلاس جەمقورلىق، ياعني، اعاسى مەن كوكەسى بولماسا، جاس ادام ءومىرىن جاقسارتا المايدى.

3. ادىلەتتىلىك تۇسىنىگىنەن مەملەكەتتىڭ جوعارى تۇرۋى. ادىلەتتىك جوق. بارلىق جەردە الداپ-ارباۋ، ۇرلاپ، قارماۋ، جاس ادامدى ەش جەردە، ەشكىم تىڭداعىسى كەلمەيدى. ونىڭ باسپانا ماسەلەسى شەشىلمەيدى، وعان ەشكىم جۇمىس بەرمەيدى.

4. بيلىك ءوز حالقىنىڭ ماسەلەسىن، بارىنەن بۇرىن، كەدەيشىلىكتى كورمەيدى. ونىڭ ورنىنا بيلىك جالعان فورۋمدار جانە استانا كۇنى سىندى قىمبات ماسكارادتاردا «شومىلىپ» جۇرەدى. بۇل - تالعامى جوق بوياۋ، بۋتافوريا. ال حالىق ناقتىسىندا قاتتى قينالىپ ءجۇر.

5. مەملەكەتتە ۇلتتىق يدەولوگيا مۇلدەم جوق. ءبىزدىڭ ءتىپتى، وزىندىك اقپاراتتىق كەڭىستىگىمىز دە جوق. ال رەسەيلىك ناسيحات - اتىس-شابىس، ءولتىرۋ، بالاعاتتاۋ، اۆتوماتتار، تاپانشا... مىنە، وسى ۆيرتۋالدى شىندىق ناقتى ومىرىمىزدە كورىنىس تاۋىپ، اقيقاتقا اينالدى.

ەگەر ەشنارسەنى وزگەرتپەسەك، وندا ءبارى ەندى باستالادى. ويتكەنى، ولار پودەزد جانىندا قاراۋىلداي سالاتىن وپپوزيتسيونەرلەر ەمەس نەمەسە بەيبىت تۇرعىنداردى اۆتوبۋسقا بوگىپ، تىعىنداپ اكەتە سالاتىن جاعداي ەمەس. شۇعىل تۇردە ەكونوميكالىق جانە ىشكى ساياساتتى وزگەرتۋ كەرەك، جاڭا ادامداردى جۇمىسقا الىڭىزدار، حالىقپەن بايلانىسقا شىعۋ ءۇشىن «شليۋزدى» اشىڭىزدار. ولاردى تىڭداپ، ناقتى قورىتىندى جاساڭىزدار!»، - دەپ جازادى قوعام بەلسەندىسى.