اۆستراليا جاعالاۋىنا 5 ميلليون جىل بۇرىن تىرشىلىك ەتكەن الىپ كيتتىڭ ءتىسى شىعىپ قالدى

استانا. قازاقپارات - اۆستراليالىق مەلبۋرن قالاسىنىڭ تۇرعىنى جاعاجايدا سەرۋەندەپ ءجۇرىپ كيتتىڭ الىپ ءتىسىن تاۋىپ الدى.

عىلىمي قىزمەتكەرلەردەن الىنعان دەرەكتەرگە سايكەس، بۇل ارتەفاكتكە شامامەن بەس ميلليون جىل بولعان. عالىمداردىڭ بولجاۋىنشا، بۇل سۇتقورەكتىنىڭ ۇزىندىعى 18-20 مەترگە جەتۋى، ال سالماعى 40 توننانى قۇراۋى مۇمكىن.

بولجام بويىنشا، مۇنداي كيتتەر بۇرىن امەريكا جاعالاۋلارىندا مەكەن ەتكەن، ال ولاردىڭ تىستەرىنىڭ ولشەمى تيراننوزاۆرلەردىكىنە قاراعاندا الدەقايدا ۇلكەن بولعان.

اتاپ ءوتۋ كەرەك، وسىعان دەيىن تۇرعىندار مەلبۋرن ماڭىنان كونە حايۋاناتتاردىڭ سۇيەكتەرىن تاپقان. الايدا عالىمدار ولاردىڭ قانداي تىرشىلىك يەسى ەكەندىگىن تاپ باسىپ ايتىپ بەرە المادى.