ق ر پرەزيدەنتى «نۇر وتان» پارتياسى باعدارلاماسىندا ەل دامۋىنىڭ جاڭا 5 باعىتىن بەلگىلەپ بەردى - فوتو
بۇل تۋرالى اقوردانىڭ باسپا ءسوز قىزمەتىنەن حابارلادى.
سەزگە ەكى مىڭنان استام ادام قاتىستى، ولاردىڭ قاتارىندا رەسپۋبليكانىڭ بارلىق وڭىرىندە وتكەن كونفەرەنتسيالاردا سايلانعان دەلەگاتتار، مەملەكەتتىك باسقارۋ ورگاندارىنىڭ، ۇلتتىق حولدينگتەردىڭ باسشىلارى، مادەنيەت جانە سپورت قايراتكەرلەرى، ديپلوماتيالىق كورپۋستىڭ، ۇكىمەتتىك ەمەس ۇيىمدار مەن جاستار ۇيىمدارىنىڭ، باستاۋىش پارتيا ۇيىمدارىنىڭ، بۇقارالىق اقپارات قۇرالدارىنىڭ وكىلدەرى بار.
ءىس- شارا بارىسىندا «قازاقستان - 2021. بىرلىك. تۇراقتىلىق. جاسامپازدىق» سايلاۋالدى باعدارلاماسى قابىلداندى، پارلامەنت ءماجىلىسىنىڭ دەپۋتاتتىعىنا كانديداتتاردىڭ پارتيالىق ءتىزىمى بەكىتىلىپ، پارتيانىڭ ساياسي كەڭەسى قۇرامىنا وزگەرىس ەنگىزىلدى.
مەملەكەت باسشىسى ءوز سوزىندە ەلدى دامىتۋدىڭ نەگىزگى ماسەلەلەرىنە توقتالىپ، «نۇر وتان» پارتياسىنىڭ الدىنا جاڭا سايلاۋالدى باعدارلاماسىنا قاتىستى ءبىرقاتار ناقتى مىندەت قويدى.
قازاقستان پرەزيدەنتى بىلتىر باستالعان بەس ينستيتۋتسيونالدىق رەفورمانى زاڭنامالىق تۇرعىدان قامتاماسىز ەتۋ ءۇشىن 59 جاڭا زاڭ قابىلدانعانىن ايتتى. بۇگىندە بارلىق مەملەكەتتىك ورگاندار وعان قاتىستى بەلسەنە جۇمىس جۇرگىزۋدە، قازىردىڭ وزىندە ناقتى ناتيجەلەر بار.
«بەس رەفورمانى ءتيىمدى جۇزەگە اسىرۋ - ءبىزدىڭ ХХI عاسىردا تابىستى بولۋىمىزدىڭ كىلتى. 100 قادام - شىن مانىندە ەلدى ءارى قاراي دامىتۋدىڭ جۇيەلى ماسەلەلەرىنە ارنالعان مەنىڭ 100 ناقتى شەشىمىم. ۇلت جوسپارى ورىندالۋ ءۇشىن ۇلتتىق كوميسسيا جۇمىسىنا قوسا بارلىق دەڭگەيدەگى مەملەكەتتىك قىزمەتتەردىڭ كاسىبي ءىس- قيمىلى قاجەت. سوندىقتان اكىمدەر جانە «نۇر وتان» پارتياسىنىڭ بۇكىل جۇيەسى مۇنى ەڭ باستى مىندەتتىڭ ءبىرى ساناعانى ءجون. ۇلت جوسپارى ءبىزدىڭ الداعى بەسجىلدىق كەزەڭگە ارنالعان جاڭا سايلاۋالدى باعدارلامامىزدىڭ وزەگى بولىپ تابىلادى»، - دەدى مەملەكەت باسشىسى.
ەلباسى سايلاۋ الدىنداعى باعدارلامانىڭ نەگىزگى باعىتتارى تۋرالى دا ەگجەي- تەگجەيلى ايتىپ بەردى.
ءبىرىنشى. داعدارىسقا قارسى تۇراقتاندىرۋ
حالىقتىڭ ىسكەرلىك بەلسەندىلىگىن جانە جۇمىسپەن قامتىلۋىن قولداۋعا باعىتتالعان شارالاردى قاراستىرعان داعدارىسقا قارسى باعدارلاما قابىلداندى. تەك بيىلدىڭ وزىندە وسى ماقساتقا رەسپۋبليكالىق بيۋدجەتتەن 225 ميلليارد تەڭگە كولەمىندە ارنايى رەزەرۆ قاراستىرىلعان.
«ءبىز ەڭبەك ادامدارىنا «جۇمىسپەن قامتۋ - 2020» جول كارتاسىنىڭ ماڭىزدىلىعىن ارتتىرۋ ارقىلى قولداۋ كورسەتەمىز. 2015 -جىلى «نۇرلى جول» باعدارلاماسىنا 770 ميلليارد تەڭگە قاراستىرىلدى، ول %93 يگەرىلدى. 500 شاقىرىمعا جۋىق اۆتوموبيل جولى سالىندى، قايتا جوندەلدى. 7000 پاتەر سالىندى، وعان قوسىمشا تۇرعىن ءۇي قۇرىلىس- جيناق بانكى ارقىلى 3700 پاتەر بەرىلدى، سونداي- اق 51 ءبىلىم بەرۋ نىسانى ىسكە قوسىلدى. كاسىپكەرلىكتى قولداۋعا 100 ميلليارد تەڭگە ءبولىندى. اگروونەركاسىپ كەشەنىنە، اۆتووندىرۋشىلەرگە جانە باسقا دا سالالارعا كومەك كورسەتىلدى. بۇل - ءبىر جىلعى جۇمىستىڭ ناتيجەسى. الداعى ۋاقىتتا جەكە بيزنەستى، جۇمىسشىلاردى قايتا دايارلاۋ جانە بىلىكتىلىگىن ارتتىرۋ ءىسىن قارجىلاندىرۋ كولەمى ۇلعايتىلادى. جالپى، «نۇرلى جول» جوبالارىن جۇزەگە اسىرۋ بارىسى تاياۋ جىلداردا 400 مىڭ جۇمىس ورنىنىڭ اشىلۋىن قامتاماسىز ەتەدى»، - دەدى نۇرسۇلتان نازاربايەۆ.
قازاقستان پرەزيدەنتى الەۋمەتتىك ماڭىزى بار تاۋارلار باعاسىنىڭ الىپساتارلىق ارقىلى وسۋىنە جول بەرمەۋدىڭ ماڭىزدىلىعىنا نازار اۋداردى. وسىعان بايلانىستى ەلىمىزدە ءونىم شىعارۋ كولەمىن ۇلعايتۋ قاجەت.
نۇرسۇلتان نازاربايەۆ تاۋەلسىزدىك جىلدارى ەلدە بيزنەستى دامىتۋ ءۇشىن بارلىق قاجەتتى جاعداي جاسالعانىن اتاپ ءوتتى.
«ءبىز كوپتەگەن اۋقاتتى ادامداردى قالىپتاستىردىق، ولار ەلىمىزدە كاپيتال جيناقتادى. ەندى شەتەلدەگى مۇلىكتەردى زاڭداستىرىپ، قازاقستانعا قاراجات اكەلۋ كەرەك. بۇگىندە رەسپۋبليكادا جەكەشەلەندىرۋ ءجۇرىپ جاتىر. ولاردىڭ وسى ۇردىسكە قاتىسىپ، نىساندار ساتىپ الۋىنا جانە قازاقستاندىقتار ءۇشىن جۇمىس ورىندارىن اشىپ، ءوندىرىستى دامىتۋ ارقىلى تابىس تابۋىنا بولادى»، - دەدى قازاقستان پرەزيدەنتى.
ەلباسى مەملەكەتتىك شىعىستاردىڭ بارلىق جۇيەسى قاتاڭ ۇنەمدەۋ قاعيداتىنا نەگىزدەلەتىنىن ايتتى. ەكونوميكالىق ءوسىمنىڭ قوسىمشا كوزى رەتىندە ءوڭىرارالىق كووپەراتسياعا نازار اۋدارىلدى.
ەكىنشى. ەكونوميكانى قۇرىلىمدىق تۇرعىدان جاڭعىرتۋ
4 بازالىق سالانى باسا دامىتۋ قۇرىلىمدىق وزگەرىستەردىڭ نەگىزى بولادى. ماسەلەن، ءتۇستى مەتاللۋرگيادا ءتورتىنشى جانە بەسىنشى قايتارا وڭدەۋگە كوشۋ 2021 -جىلعا قاراي وسى سالاداعى ەكسپورتتىق ونىمدەر ۇلەسىن %20 عا دەيىن جەتكىزۋگە مۇمكىندىك بەرەدى.
نۇرسۇلتان نازاربايەۆ مۇناي- گاز سەكتورىنىڭ باسەكەگە قابىلەتتىلىگىن ارتتىرۋ شارالارىن جۇزەگە اسىرۋدىڭ ماڭىزدىلىعىن ايتتى.
«ءبىز «قاشاعان» كەنىشىندە كوممەرتسيالىق ءوندىرۋ باستالادى دەپ كۇتىپ وتىرمىز. «تەڭىزشەۆرويل» ج ش س ءوندىرىسىن ۇلعايتۋ مۇنايدىڭ قوسىمشا كولەمىن قامتاماسىز ەتەدى. كاسپي قۇبىر كونسورتسيۋمىنىڭ قۋاتتىلىعىن ارتتىرۋ ءىسىن اياقتاۋ قاجەت. «بەينەۋ - بوزوي - شىمكەنت» گاز قۇبىرىنىڭ قۇرىلىسى دا اياقتالىپ كەلەدى. 2018 -جىلعا قاراي نارىق سۇرانىسىن تولىقتاي وتاندىق ونىمدەرمەن - بەنزينمەن، ديزەلدىك وتىنمەن، اۆياكەروسينمەن جانە گازبەن قامتاماسىز ەتۋ مىندەتىن قويامىن. مۇناي جانە گاز نارىعىن ىرىقتاندىرۋ، مۇناي وڭدەۋشى كاسىپورىندارعا كوممەرتسيالىق قىزمەتتەرىن قايتارىپ بەرۋ ماڭىزدى. 2021 -جىلعا قاراي ەلدەگى مۇناي ءوندىرۋ كولەمى جىلىنا 92 ميلليون تونناعا جەتەدى»، - دەدى قازاقستان پرەزيدەنتى.
مەملەكەت باسشىسى ەلەكتر ەنەرگەتيكاسى كەشەنىندە ينۆەستيتسيا ءۇشىن قولايلى جاعداي جاساۋ قاجەتتىگىن اتاپ ءوتتى.
«2019 -جىلى KEGOK بازاسىندا قۋاتتى ءبىرىڭعاي ساتىپ الۋشىنى ەنگىزۋ جوسپارلانعان. جاڭعىرتىلاتىن ەنەرگەتيكانىڭ وتاندىق سەكتورىنىڭ دامۋىنا الداعى «ەكسپو-2017» حالىقارالىق كورمەسى قۋاتتى سەرپىن بەرەدى. بۇل بولاشاقتاعى «جاسىل ەكونوميكاعا» قاراي ماڭىزدى قادام بولادى»، - دەدى نۇرسۇلتان نازاربايەۆ.
قازاقستان پرەزيدەنتى ەكونوميكالىق ءوسىمنىڭ نەگىزگى قوزعاۋشى كۇشىنىڭ ءبىرى اگرارلىق سەكتور بولاتىنىنا نازار اۋداردى.
بۇگىندە ءبىز وندىرىلگەن ءونىمدى سۋبسيديالاۋعا كوشىپ جاتىرمىز، بۇل اۋىل شارۋاشىلىعى جەرلەرىن ءتيىمدى پايدالانۋعا جانە اگرارلىق كەشەننىڭ جۇمىسىن جاقسارتۋعا سەپتىگىن تيگىزەدى. جاڭا تەحنولوگيالار مەن ءوندىرىس ينفراقۇرىلىمدارىن ەنگىزۋ اۋىل شارۋاشىلىعىنداعى ەڭبەك ونىمدىلىگىنىڭ ءوسىمىن 1,5 ەسەگە ارتتىرۋعا ءتيىس»، - دەدى مەملەكەت باسشىسى.
ەلباسى استانادا ءۇش عىلىمي- تەحنولوگيالىق كلاستەردى - جوعارى تەحنولوگيالار، بيومەديتسينا جانە گەولوگيا كلاستەرىن دامىتۋدىڭ ماڭىزدىلىعىن ايتتى. سونىمەن قاتار، الماتى يننوۆاتسيالىق تەحنولوگيالار پاركىندە ەكسپورتقا باعدارلانعان كەمىندە 2 جاڭا باعىت، وڭىرلىك ستارتاپ- حاب جانە ترانسۇلتتىق كورپوراتسيالاردىڭ قاتىسۋىمەن 5 تەحنولوگيالار دامىتۋ ورتالىعى قۇرىلادى. مەملەكەت باسشىسى بۇل جوبالار تاياپ كەلە جاتقان ءتورتىنشى ونەركاسىپتىك ريەۆوليۋتسيا اياسىندا ماڭىزدى ورىن الاتىنىن ايتتى.
«سيفرلىق ريەۆوليۋتسيا - بۇل قازىرگى الەم قۇرىلىمى ءۇشىن ەلەۋلى سىن- قاتەر. مىسالى، تسيفرلى دەرجاۆالار 2020 -جىلعا قاراي 5 ميلليون جۇمىس ورنىنان ايرىلۋى مۇمكىن. سوندىقتان ءبىز بارشاعا قولجەتىمدى بىلىمگە - بالاباقشادان باستاپ كاسىبي بىلىمگە، قىزمەتكەرلەردى وقىتۋعا كەڭىنەن ينۆەستيتسيا سالۋىمىز قاجەت. بۇعان مەملەكەت قانا ەمەس، ءاربىر ادام قاتىسۋى ءتيىس. بيزنەس بولاشاقتى ويلاۋى كەرەك، وقىتىپ، جۇمىس ورىندارىن اشا وتىرىپ، بوس قاراجاتىن سوعان سالۋى كەرەك»، - دەدى قازاقستان پرەزيدەنتى.
مەملەكەت باسشىسى «نۇرلى جول» مەملەكەتتىك باعدارلاماسىنا سايكەس ەلدىڭ ترانزيت- كولىك الەۋەتى بارىنشا دامىتىلاتىنىن اتاپ ءوتتى.
«بيىل «باتىس ەۋروپا - باتىس قىتاي» ماگيسترالىنىڭ قۇرىلىسى اياقتالادى. تاعى 2 پەرسپەكتيۆالى جوبا - ەۋرازيالىق ترانسقۇرلىقتىق ءدالىز جانە ترانسكاسپييلىك باعىت جۇزەگە اسىرىلادى. ماڭعىستاۋ وبلىسىندا قۇرىق پورتىندا پاروم كەشەنى قۇرىلىسى سالىنۋدا، استانا حالىقارالىق اۋەجايى قايتا جوندەلىپ جاتىر. كونتەينەرلىك تاسىمالدىڭ لوگيستيكالىق جەلىسىن دامىتۋ جالعاستىرىلادى. ءقازىردىڭ وزىندە ليانيۋنگان پورتىنان ەۋروپاعا تاۋارلار قازاقستان ارقىلى جەتكىزىلۋدە. وسىنىڭ بارلىعىنىڭ ەسەبىنەن ىشكى جالپى ءونىم كولەمىنىڭ جىلدىق ءوسىمى ورتاشا 5 پايىزدى قۇرايتىن بولادى»، - دەدى نۇرسۇلتان نازاربايەۆ.
ءۇشىنشى. قازاقستاندىقتاردىڭ تۇرمىس ساپاسىنىڭ جاڭا ستاندارتتارى
قازاقستان پرەزيدەنتى دەنساۋلىق ساقتاۋدى دامىتۋدىڭ 2016-2019 -جىلدارعا ارنالعان «دەنساۋلىق» مەملەكەتتىك باعدارلاماسى اياسىندا بازالىق مەديتسينالىق كومەكتىڭ كەپىلدى كولەمىندەگى جەكە سەكتوردىڭ ۇلەسى ۇلعايتىلاتىنىنا، الەۋمەتتىك نىساندار قۇرىلىسى كەزىندە مەملەكەت- جەكەمەنشىك سەرىكتەستىگى دامىتىلاتىنىنا نازار اۋداردى.
سونىمەن قاتار، بيىل ءبىلىم مەن عىلىمدى دامىتۋدىڭ جاڭارتىلعان مەملەكەتتىك باعدارلاماسىن قابىلداۋ كەرەك.
«ءۇش اۋىسىمدى وقىتۋدان تۇبەگەيلى ارىلۋ ءۇشىن قازىر 34 مەكتەپتىڭ قۇرىلىسى ءجۇرىپ جاتىر. 2017 -جىلى جاڭا «تەگىن كاسىبي- تەحنيكالىق ءبىلىم - بارشاعا» جوباسىن جۇزەگە اسىرۋ باستالادى. 2019 -جىلى مەكتەپ وقۋشىلارىنىڭ العاشقى جۇمىسشى ماماندىعىن تەگىن الۋى قامتاماسىز ەتىلەدى. وقىتۋ ۇدەرىسىن وندىرىسپەن تىعىز بايلانىستىرۋدى قامتاماسىز ەتىپ، جاستاردىڭ بويىندا ەڭبەك نارىعىندا سۇرانىسقا يە داعدىلار مەن قابىلەتتەر قالىپتاستىرۋ، جۇمىس بەرۋشىلەردى كادر دايارلاۋ ۇدەرىسىنە تارتۋ ماسەلەسىن قاراستىرۋ قاجەت»، - دەدى مەملەكەت باسشىسى.
نۇرسۇلتان نازاربايەۆ حالىقتىڭ الەۋمەتتىك ءالسىز توپتارىن، مۇمكىندىگى شەكتەلگەن ادامداردى قولداۋدىڭ ماڭىزدىلىعىن ايتتى.
«اتاۋلى الەۋمەتتىك كومەكتىڭ جاڭا جۇيەسى ەنگىزىلەدى. جاردەماقىلار كولەمى ءار وتباسىنىڭ تابىس دەڭگەيىنە قاراي بەلگىلەنەدى. بۇل رەتتە مۇنداي وتباسىلاردىڭ ەڭبەككە قابىلەتتى مۇشەلەرى جۇمىسپەن قامتۋدىڭ وڭىرلىك باعدارلامالارىنا قاتىسۋعا مىندەتتى بولادى. كوپبالالى جانە از قامتىلعان وتباسىلارعا بۇگىندە الىپ جۇرگەن بىرنەشە الەۋمەتتىك تولەمدەر قۇنىنا تەڭ ءبىرىڭعاي جاردەماقى تولەنەدى. جاڭا باسپانا ساياساتى جالعا بەرىلەتىن باسپانالاردىڭ كەڭ اۋقىمدى قۇرىلىسىن جۇرگىزۋگە باعدارلانادى. «نۇر وتان» ەلدىڭ پروبلەمالارىنا باسا كوڭىل ءبولىپ، وسى جۇمىستىڭ باسىندا بولۋعا ءتيىس. بۇل ورايدا بەلگىلى ءبىر تاجىريبە بار. مىسالى، ءبىزدىڭ پارتيالىق ۇيىمداردىڭ اتسالىسۋى ارقىلى 22 مىڭنان استام مۇمكىندىگى شەكتەۋلى ازامات جۇمىسقا ورنالاستى. جاسوتاندىقتار وسىنداي پاتريوتتىق ىستەردىڭ باستاماشىسى بولۋى كەرەك» ، - دەدى قازاقستان پرەزيدەنتى.
ءتورتىنشى. كونستيتۋتسيالىق پاتريوتيزم مەملەكەتى.
مەملەكەت باسشىسى قوعامدىق ءتارتىپ، بارشانىڭ زاڭعا باعىنۋى جانە قاۋىپسىزدىك كونستيتۋتسيالىق ءپاتريوتيزمنىڭ باستى قاعيداتتارى بولىپ سانالاتىنىن اتاپ ءوتتى.
«ەلدىڭ جانە ونىڭ حالقىنىڭ بىرلىگىن بۇزۋدى ماقسات ەتكەن كەز كەلگەن ادامنىڭ ارەكەتىنىڭ تامىرىنا باتىل تۇردە بالتا شابۋ كەرەك»، - دەدى نۇرسۇلتان نازاربايەۆ.
بەسىنشى. وڭىرلىك تۇراقتىلىق، ينتەگراتسيا جانە قاۋىپسىزدىك
قازاقستان پرەزيدەنتى ەلىمىزدىڭ رەسەي، قىتاي، ا ق ش، ە و، ت م د مەملەكەتتەرى جانە ورتالىق ازياداعى كورشىلەرمەن ستراتەگيالىق سەرىكتەستىك قارىم- قاتىناسىن نىعايتاتىنىنا نازار اۋداردى.
«بەيبىتشىلىك پەن قاۋىپسىزدىك مۇددەسى جولىندا ورتالىق ازيا تۇراقتىلىقتىڭ، ىنتىماقتاستىقتىڭ جانە تاتۋ كورشىلەستىكتىڭ اۋماعىنا اينالۋ ءۇشىن قاجەتتى نارسەنىڭ ءبارىن جاساۋ ماڭىزدى. سوندىقتان قازاقستان ورتالىق ازياداعى كورشىلەرىن تاعى دا ىنتىماقتاستىقتىڭ كوپجاقتى فورماتتارىن جاڭعىرتۋعا شاقىرادى. بۇل بۇكىل ءوڭىردىڭ ەكونوميكالىق جانە گەوساياسي الەۋەتىنىڭ ارتۋىنا سەپتىگىن تيگىزەدى. ءبىز ەۋرازيالىق ينتەگراتسيا ۇدەرىسىن نىعايتۋعا جان- جاقتى جاعداي جاسايتىن بولامىز. باتىل ايتا الامىن، «نۇر وتان» پارتياسى ءوزىن ەۋرازيا وپتيميستەرىنىڭ پارتياسى رەتىندە كورسەتىپ وتىر»، - دەدى مەملەكەت باسشىسى.
نۇرسۇلتان نازاربايەۆ ەۋرازيالىق ەكونوميكالىق وداق اياسىندا ورتاق نارىقتى قالىپتاستىرۋ ءۇشىن جۇيەلى قادام جاساۋدىڭ ماڭىزدى ەكەنىن ايتتى.
«قازاقستان قىتاي حالىق رەسپۋبليكاسى ۇسىنعان «جىبەك جولىنىڭ ەكونوميكالىق بەلدەۋى» اتتى جاڭا جوبانىڭ جۇمىسىنا قاتىسادى، ءبىز قىتايمەن بىرگە حيميا، مەتاللۋرگيا، كولىك جانە ماشينا قۇراستىرۋ مەن ەنەرگەتيكا سالاسىنداعى قىتاي كاپيتالىنىڭ ۇلەسى بار كاسىپورىن قۇرىلىسى جونىندەگى بىرلەسكەن باعدارلاماعا قول قويىپ تا ۇلگەردىك. قازاقستان اۋقىمدى اشىق ەۋرازيانىڭ اۋقىمدى جاڭا ينتەگراتسيالىق يدەياسىنىڭ باستاماشىسى بولدى»، - دەدى قازاقستان پرەزيدەنتى.
سونداي- اق، مەملەكەت باسشىسى ءبىزدىڭ ەلدىڭ ەۋرووداقپەن كەڭەيتىلگەن ىنتىماقتاستىق تۋرالى كەلىسىمگە قول قويعانىن جانە د س ۇ- عا كىرگەنىن ەسكە سالدى.
قازاقستان پرەزيدەنتى الەمدە قاۋىپسىزدىككە جاڭا قاتەرلەر تۋىنداپ جاتقان كەزدە رەسپۋبليكامىز حالىقارالىق قوعامداستىقتى جاھاندىق سەنىمدى قالپىنا كەلتىرۋگە شاقىرىپ وتىرعانىن ايتتى.
«ءبىز بۇكىل الەم ەلدەرىنە جاپپاي قىرىپ- جويۋ قارۋىنىڭ، سونداي- اق حالىقارالىق تەرروريزمنىڭ تارالۋى مەن وركەن جايۋىنىڭ قاتەرىن بولدىرماۋ ءۇشىن بىرىگۋگە ۇندەگەن ءسوزىمىزدى ارنايمىز. ەرتەڭ بالالارىمىز بەن نەمەرەلەرىمىز جەر بەتىندە تىنىش ءومىر ءسۇرۋى ءۇشىن مۇنى بۇگىن جاساۋ كەرەك»، - دەدى مەملەكەت باسشىسى.
***
نۇرسۇلتان نازاربايەۆ «نۇر وتاننىڭ» بارلىق ساياسي كۇشتەرمەن سىندارلى ءوزارا ءىس- قيمىل جۇرگىزۋگە ءازىر ەكەنىن اتاپ ءوتتى.
«مەن پارتيانىڭ بارلىق فيليالدارى مەن ۇيىمدارىنىڭ سايلاۋعا دايىندىق جۇمىسىن بەلسەنە جۇرگىزىپ، جەڭىسكە جەتۋلەرىنە تىلەكتەستىك بىلدىرەمىن. سايلاۋالدى باعدارلامامىزدى ءاربىر سايلاۋشىعا جەتكىزۋ كەرەك. ءبىزدىڭ ورتاق مۇددەمىز - تۇراقتى، ءبىرتۇتاس جانە ءوسىپ- وركەندەگەن قازاقستان»، - دەدى مەملەكەت باسشىسى.
سونداي- اق قازاقستان پرەزيدەنتى پارلامەنت ءماجىلىسىنىڭ دەپۋتاتتىعىنا پارتيا ۇسىنعان كانديداتتارعا الداعى سايلاۋ ناۋقانى بارىسىندا تابىس تىلەدى.
«سايلاۋدى الەمنىڭ ءتۇرلى ەلدەرىنەن كەلگەن كوپتەگەن بايقاۋشىلار باقىلايتىن بولادى. ول اشىق، ءادىل جانە باسەكەلەستىك كۇرەسپەن وتۋگە ءتيىس. كانديداتتار دايىندالىپ، ءىستى بىلەتىنىن كورسەتە وتىرىپ، سەنىمدى تۇردە حالىققا پارتيا قىزمەتىنىڭ ناتيجەلەرىن تۇسىندىرگەنى ءجون. وتكەن شاقىرىلىم كەزەڭىندە جۇمىس ىستەگەن جانە وراسان جۇمىس اتقارعان دەپۋتاتتارعا شىنايى ريزاشىلىق بىلدىرەمىن. پارتيا اتىنان دەپۋتاتتىققا ۇسىنىلاتىن كانديداتتار ءتىزىمىن جاڭارتۋ ونىڭ وكىلدەرىنىڭ قۇرامىن جاسارتۋ نيەتىنەن، وسى كەزەڭگە لايىق مامانداردى ىرىكتەۋ قاجەتتىلىگىنەن تۋىندادى»، - دەدى نۇرسۇلتان نازاربايەۆ.
سەزد بارىسىندا قوعام جانە مەملەكەت قايراتكەرى م. جولداسبەكوۆ، استانا قالاسىنىڭ اكىمى ءا. جاقسىبەكوۆ، اتىراۋ وبلىسىنداعى كاسپيي وڭىرلىك قازىرگى زامانعى كوللەدجىنىڭ ديرەكتورى ب. حامەنوۆا، «رودينا» اگروفيرماسى» ج ش س ديرەكتورى، ەڭبەك ەرى ي. ساۋەر، قىزىلوردا وبلىسىنداعى «ارال بالىق وڭدەۋ زاۋىتى» ج ش س تسەحىنىڭ اعا شەبەرى ك. كەمالوۆا، «كازاحدورستروي» ج ش س سولتۇستىك- شىعىس فيليالىنىڭ شەبەرى د. سۋرسكي، «قازاقستان بارىسى» رەسپۋبليكالىق تۋرنيرىنىڭ ەكى دۇركىن چەمپيونى ب. ىستىبايەۆ، تەلەجۇرگىزۋشى م. بەكبايەۆا، نازاربايەۆ ۋنيۆەرسيتەتىنىڭ ستۋدەنتى د. لەسحان، سوكولوۆ- سارىباي تاۋ- كەن بايىتۋ وندىرىستىك بىرلەستىگىنىڭ جەنتەك ءوندىرۋ فابريكاسى ديرەكتورىنىڭ ورىنباسارى ر. ەسمۇحامبەتوۆ، قاراعاندى قالاسىنداعى «كازپلاست» ج ش س باستاۋىش پارتيا ۇيىمىنىڭ ءتوراعاسى س. ۆودكو ءسوز سويلەدى.
